Telephone:
+94779456435

Email:
editor.todaynewslk@gmial.com

බස් රථවල අනවශ්‍ය කෑලි ගලවන්න සහන කාලයක්

2 years ago

බස් රථවල අනවශ්‍ය අමතර උපාංග ඉවත් කිරීමට පෞද්ගලික බස් හිමියන්ට මාස 03ක කාලයක් ලබාදීමට තීරණය කළ බව ලංකා පෞද්ගලික බස් හිමියන්ගේ සංගමයේ සභාපති ගැමුණු විජේරත්න පවසනවා.

වැඩ බලන පොලිස්පති ප්‍රියන්ත වීරසූරිය සමඟ අද (08) දහවල් පැවති සාකච්ඡාවේ දී මෙම සහන කාලය ලබා දීමට තීරණය කර තිබෙනවා.

මේ අතර මහා මාර්ගවල බස් රථ නවතා මගී ජනතාවට හිරිහැරයක් ඇති වන ආකාරයට ඒවායේ සවිකර ඇති අනවශ්‍ය අමතර උපාංග ඉවත් කිරීමට කටයුතු නොකරන බවට පොලිසිය මෙම සාකච්ඡාවේ දී පොරොන්දු වූ බව ද ඔහු මෙහිදී සඳහන් කර සිටියා.

බස් සංගම් සහ වැඩ බලන පොලිස්පතිවරයා සමඟ පැවති සකච්ඡාවෙන් පසු අද (08) පස්වරුවේ මාධ්‍ය හමුවක් කැඳවමින් සභාපති ගැමුණු විජේරත්න මෙම අදහස් පළ කළා.