ලොව අධික ලාභ උපයන ව්යාපාරයක් මෙන්ම ජාවාරමක් ද බවට වර්තමානයේ ඖෂධ ක්ෂේත්රය පත්ව ඇති බවට සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස පවසනවා.
ඒ, අනුව ඖෂධ ක්ෂේත්රයේ ගැටළු, දෝෂ නිරාකරණයට සහ නිවැරදි කිරීම වෙනුවෙන් පෙනී සිටින සියළුම සේවකයින් ධෛර්වත් කිරීමටත්, ඔවුන්ගේ ආරක්ෂාව වෙනුවෙන් රජය පෙනී සිටින බබවටත් අමාත්යවරයා සහතික වී තිබෙනවා.
නාරාහේන්පිට ‘මෙහෙවර පියස’ කාර්යාල සංකීර්ණයේ පිහිටි රාජ්ය ඖෂධ නීතිගත සංස්ථා කාර්යාලයේ හදිසි නිරීක්ෂණ චාරිකාවකට එක්වෙමින් අමාත්යවරයා මේ බව සඳහන් කළා.
මෙම ආයතනයේ දැක්ම සාර්ථක කරමින් ආයතනයේ කටයුතු වඩා විධිමත් හා විනිවිදභාවයෙන් යුතුව ක්රියාත්මක කිරීම සදහා අමාත්යවරයා ආයතනයේ සභාපතිවරයා සහ පාලන අධිකාරිය සමග දීර්ඝ සාකච්ඡාවක ද මෙහිදී නිරත වුණා.
එහිදී ආයතනයේ කටයුතු වඩා විධිමත් හා විනිවිදභාවයෙන් යුතුව ක්රියාත්මක කිරීම සඳහා පාලන අධිකාරිය සමග දීර්ඝ සාකච්ඡාවක ද නිරත විය.
ඖෂධ සැපයුම් ජාලය සහ එහි වත්මන් ක්රියාකාරීත්වය පිළිබඳවත්, ඖෂධ ප්රසම්පාදන ක්රියාවලිය සහ ඖෂධ බෙදාහැරීමේ වැඩපිළිවෙළ පිළිබඳවත් ඉදිරියේ දී එම කටයුතු වර්ධනය කළ යුතු ආකාරය පිළිබඳවත් සෞඛ්ය අමාත්යවරයා එහිදී පාලන අධිකාරියට උපදෙස් ලබාදී ඇති බව සඳහන්ය.
මෙම නිරීක්ෂණ චාරිකාවේ දී අමාත්යවරයා රාජ්ය ඖෂධ නීතිගත සංස්ථා කාර්යාලයේ සියළු මෙහෙයුම් කටයුතු එක් එක් අංශ වෙත ගොස් පෞද්ගලිකවම නිරීක්ෂණය කළ අතර, එම කටයුතු ක්රියාත්මක කිරීමේ දී කාර්ය මණ්ඩලය මුහුණ දෙන ගැටළු පිළිබඳව කාර්ය මණ්ඩලය සමඟ සාකච්ඡා කළා.
