“ක්ලීන් ශ්රී ලංකා” වැඩසටහනට සමගාමීව ශ්රී ලංකාවේ අපද්රව්ය කළමනාකරණ පද්ධතියෙහි ධාරිතාව වැඩි කිරීම සඳහා ජපාන රජය විසින් ශ්රී ලංකාවට යෙන් මිලියන 300 ක (රුපියල් මිලියන 565ක්) ප්රදානයක් ලබා දීමට කටයුතු කර තිබේ.
මීට අදාළ අවබෝධතා ගිවිසුමට අත්සන් තැබීම ජනාධිපති අනුර කුමාර දිසානායක මහතා ඉදිරියේ ජනාධිපති කාර්යාලයේදී සිදු වූ අතර ජපානයේ විදේශ කටයුතු පිළිබඳ පාර්ලිමේන්තු උප අමාත්ය සයමා (ඉකුඉනා) අකිකෝ මහත්මිය සහ මුදල් අමාත්යාංශ ලේකම් මහින්ද සිරිවර්ධන මහතා ඊට අත්සන් තැබූහ.
මෙම ප්රදානය මගින් පළාත් පාලන ආයතනවල අපද්රව්ය කළමනා කරණයෙහි ධාරිතාව වැඩි දියුණු කිරීම සඳහා කසල ප්රවාහනයට කම්පැක්ටර් රථ 28ක් සැපයීමට නියමිතය.
ඉන් බස්නාහිර පළාතට රථ 14ක්, නැගෙනහිර පළාතට රථ 08ක් සහ උතුරු පළාතට රථ 06ක් බැගින් ලබා දීමට නියමිත බව සඳහන්.
