Telephone:
+94779456435

Email:
editor.todaynewslk@gmial.com

ලෝක රාජ්‍ය නායක සමුළුව අද ඇරඹේ

2 years ago

ලෝක රාජ්‍ය නායක සමුළුව අද (11) සිට ලබන 13 වනදා දක්වා ඩුබායි හිදී ආරම්භ වීමට නියමිතව තිබේ.

මෙම සමුළුවට සහභාගී වීම සඳහා දිවයිනෙන් පිටත්ව ගිය ජනාධිපති අනුර කුමාර දිසානායක මහතා ඊයේ (10) පස්වරුවේ ඩුබායි ජාත්‍යන්තර ගුවන්තොටුපළ වෙත ළඟා වී තිබුණි.

එහිදී ජනාධිපතිවරයා ඇතුළු පිරිස එක්සත් අරාබි එමීර් රාජ්‍යයේ විදේශ වෙළෙඳ කටයුතු පිළිබඳ රාජ්‍ය අමාත්‍ය ආචාර්ය තානි බින් අහමඩ් අල් සෙයුඩි මහතා ඇතුළු රජයේ නියෝජිතයින් විසින් මහත් හරසරින් යුතුව පිළිගෙන ඇති බව ජනාධිපති මාධ්‍ය අංශය සඳහන් කළේය.

ඩුබායි වෙත ළඟා වූ ජනාධිපති අනුර කුමාර දිසානායක මහතා මාස්ටර් ඉන්වෙස්ට්මන්ට් සමූහයේ ප්‍රධාන විධායක නිලධාරී සහ රාස්අල් කයිමාහි පාලකවරයාගේ බෑණනුවන් වන ෂෙයික් අබ්දුල්ලා බින් මොහොමඩ් අල් කාසීම් හමුවූ බව ජනාධිපති මාධ්‍ය අංශය සඳහන් කළේය.

එම හමුවේ දී ශ්‍රී ලංකාව සහ එක්සත් අරාබි එමීර් රාජ්‍යය අතර ආර්ථික සහ අයෝජන සහයෝගීතාව ශක්තිමත් කිරීම කෙරෙහි අවධානය යොමුව තිබේ.

ජනාධිපති අනුර කුමාර දිසානායක මහතා හෙට (12) පස්වරුවේ ලෝක රාජ්‍ය නායක සමුළුව ඇමතීමට ද නියමිතව තිබේ.