21 වන දින කොටහේන පොලිස් වසමේදී යතුරුපැදියකින් පැමිණි පුද්ගලයින් දෙදෙනෙකු විසින් ගිනි අවියකින් වෙඩි තබා මනුෂ්ය ඝාතනයක් සිදු කිරීමේ අපරාධය සම්බන්ධයෙන් කොළඹ උතුර කොට්ඨාස අපරාධ විර්මශන කාර්යංශය මගින් විර්මශනයක් ආරම්භ කර තිබිණි.
විර්මශන නිලධාරීන්ට ලද තොරතුරක් මත අපරාධයට සම්බන්ධ සැකකරුවෙකු 2025.02.23 වන දින දහවල් කාලයේදී මෝදර පොලිස් වසමේ මෙත්සඳ සෙවණ ප්රදේශයේදී අත්අඩංගුවට ගෙන ඇත.
අත්අඩංගුවට ගත් සැකකරු වයස අවුරුදු 28 ක් වන මෝදර ප්රදේශයේ පදිංචිකරුවෙකි.
අත්අඩංගුවට ගත් සැකකරු සම්බන්ධයෙන් සිදු කරන ලද වැඩිදුර විර්මශනයේදී, මොහු විදෙස් රටක සැඟව සිටින සංවිධානාත්මක අපරාධකරුවෙකු හා මත්ද්රව්ය ජාවාරම්කරුවකු සමඟ සමීප සම්බන්ධතා පවත්වමින් මෙරට අපරාධ ක්රියාකාරකම් මෙහෙයවනු ලබන පුද්ගලයෙකු බවටත්, සැකකරු විසින් කොටහේන වෙඩි තැබීමට පැමිණි වෙඩික්කරු කොළඹ කොටුව ප්රදේශයේ සිට ඔහුගේ ත්රීරෝද රථයෙන් කොස්ගස්හන්දිය ප්රදේශයේ පිහිටි සිය බිරිඳගේ නිවසට කැඳවාගෙන විත් අපරාධය සඳහා ගිනි අවිය හා පතොරොම් ලබා දී ඇති බවටත් අනාවරණය වි ඇත.
තවද මෙම සැකකරු විසින් 2025.02.10 වන දින කොටහේන පොලිස් වසමේදී පුද්ගලයෙකු වෙඩි තබා ඝාතනය කිරීමේ අපරාධය සඳහා ද ගිනි අවිය ලබා දුන් පුද්ගලයා බවට අනාවරණය වි ඇත. ඉදිරි විර්මශන සඳහා සැකකරු කොටහේන පොලිස් ස්ථානය වෙත භාරදී ඇත.
කොටහේන පොලිසිය වැඩිදුර විර්මශන සිදුකරනු ලබයි.
