Telephone:
+94779456435

Email:
editor.todaynewslk@gmial.com

ගාලුමුවදොර අනවසර ඉඳිකිරීම් ඉවත් කරගන්නා ලෙස දැනුම්දීමක්! 05 වනදා සවස 05 තෙක් කල් දෙයි!

4 years ago

ගාලු මුවදොර විරෝධතා ස්ථානයේ සහ ඊට ආසන්න ප්‍රදේශවල නීථියට පටහැනිව රැඳී සිටින සියලුම පුද්ගලයන් වෙත පොලිසියෙන් විශේෂ දැනුම්දීමක් සිදුකර තිබෙනවා.

පොලිස් මාධ්‍ය ප්‍රකාශක කාර්යාලය සඳහන් කළේ අද සවස පොලිසිය මගින් මෙම නිවේදනය ඔවුන් වෙත සිදු කළ බවයි.

මෙමගින් ප්‍රකාශ කර ඇත්තේ ගාලු මුවදොර පිටිය හා ඊට ආසන්න ප්‍රදේශයේ රජයට හෝ නාගරික සංවර්ධන අධිකාරියට අයත් භූමි කොටසේ අනවසරයෙන් කරන ලද ඉදි කිරීම් හා භෝග වගා කිරීම් වහාම ඉවත් කරගන්නා ලෙසටයි.

එමෙන්ම මහජනයාගේ අද්‍රව්‍යමය අයිතිවාසිකම් අහිමි කිරීම වහාම නවතාලන ලෙසට ද එමගින් දැනුම්දී තිබෙනවා.

මෙම ඉවත් කර ගැනීම් සිදු කිරීමට ලබන 5 වනදා සවස 5ට පෙර අනිවාර්යයෙන් පියවර ගත යුතු බවටයි පොලිසිය ප්‍රකාශ කරන්නේ.

එමෙන්ම රටේ පවතින නීතියට අනුකූලව හා මහජනයාට පීඩාකාරී නොවන ආකාරයෙන් කටයුතු කළ යුතු බවට ද පොලිසිය අවධාරණය කරනවා.

මෙම උපදෙස් අනුව කටයුතු නොකරන පුද්ගලයන් සම්බන්ධයෙන් නිත්‍යානුකූල පියවර ගන්නා බවයි කොටුව පොලිස් ස්ථානාධිපතිවරයා දන්වා ඇත්තේ.

NEXT : රවී කරුණානායක ගුවනින් මන්නාරමට!