2025 පොසොන් උත්සවය පූර්ණ රාජ්ය අනුග්රහය සහිතව පැවැත්වීමට ගත් තීරණයට රජයට සිය ප්රසාදය පළ කරන බව මිහින්තලා රජමහ විහාරාධිපති පූජ්ය වලවාහැංගුනවැවේ ධම්මරතන හිමියෝ පැවසූහ.
2025 රාජ්ය පොසොන් උත්සවය පිළිබඳ ජනාධිපති ලේකම් කාර්යාලයේ ඊයේ (21) සාකච්ඡාවක් පවත්වා තිබේ.
බුද්ධශාසන, ආගමික සහ සංස්කෘතික කටයුතු අමාත්ය ආචාර්ය හිනිදුම සුනිල් සෙනෙවි, ජනාධිපති ලේකම් ආචාර්ය නන්දික සනත් කුමානායක යන මහත්වරුන්ගේ සහභාගීත්වයෙන් මෙම සාකච්ඡාව පවත්වා තිබේ.
මෙහිදී අදහස් දැක්වූ ධම්මරතන හිමියෝ 2023 වසරේ සිට නවතා දමා තිබුණු රාජ්ය පොසොන් උත්සවය පැවැත්වීම නැවත ආරම්භ කර මතු පරම්පරාව වෙනුවෙන් සුරක්ෂා කිරීම රජය සතු වගකීමක් බව අවධාරණය කර ඇත.
‘අනුබුදු දහමින් ලොවම නිවේවා’ යන්න මෙවර ජාතික පොසොන් උත්සවයේ තේමාව වේ.
රාජ්ය පොසොන් උත්සවයට සමගාමීව ජුනි මස 01 වන දා සිට ආමිස හා ප්රතිපත්ති පූජාවන්ට මුල් තැන ලබා දෙමින් විවිධ වැඩසටහන් ක්රියාත්මක කිරීමට සැලසුම් කර තිබේ.
