වැල්ලවාය, ඇතිලිවැව ප්රදේශයේ දී මුගුරකින් සිදුකළ පහරදීමකින් පුද්ගලයකු ජීවිතක්ෂයට පත්ව තිබෙනවා.
මියගිය පුද්ගලයා සිය මවට පොරවකින් පහරදීමට උත්සාහ කර මවගේ බෙල්ලට පොරව තබා ඇති බව සඳහන්.
එය දුටු එම මවගේ දියණිය විවාහ කරගෙන සිටි පුද්ගලයා (මියගිය පුද්ගලයාගේ මස්සිනා) මුගුරක් රැගෙන ඔහුට පහරදී ඇත.
එම පහරදීමෙන් එම පුද්ගලයා නිවස තුළදීම ජීවිතක්ෂයට පත් ව තිබේ.
මියගොස් ඇත්තේ එම ප්රදේශයේ ම පදිංචි වයස අවුරුදු 45ක දෙදරු පියෙක් බවයි වාර්තා වුණේ.
මියගිය පුද්ගලයා නිරන්තරයෙන් නිවසේ ජීවත් වූ අය සමඟ ආරවුල් ඇති කරගෙන ඇති බව මූලික විමර්ශනවල දී අනාවරණය වී තිබෙනවා.
ඝාතනය සම්බන්ධයෙන් මියගිය පුද්ගලායාගේ මස්සිනා වන 45 හැවිරිදි පුද්ගලයෙක් පොලිසිය විසින් අත්අඩංගුවට ගෙන ඇති බවයි වාර්තා වුණේ.
අත්අඩංගුවට ගැනුණු සැකකරු වැල්ලවාය මහේස්ත්රාත් අධිකරණයට ඉදිරිපත් කිරීමට නියමිතයි.
