Telephone:
+94779456435

Email:
editor.todaynewslk@gmial.com

පරිපූරක වෛද්‍ය වර්ජනය ගැන ඇමති නලින්දගෙන් දැඩි තීරණයක්

1 year ago

සම සෞඛ්‍ය ගැටලුව ඇතුළු ඉල්ලීම් කිහිපයක් මුල් කරගනිමින් පරිපූරක වෛද්‍ය වෘත්තීයවේදීන්ගේ ඒකාබද්ධ බලමණ්ඩලය ඊයේ (5) ආරම්භ කළ වැඩවර්ජනය අදත් ක්‍රියාත්මක කරන බව ඔවුන් පවසයි.

සමසෞඛ්‍ය උපාධිධාරීන් බඳවාගැනීමේදී මතුව ඇති ගැටලු සහ උසස්වීම් ඇතුළු කරුණු 5ක් මුල්කරගනිමින් මෙම වැඩවර්ජනය ඊයේ උදෑසන 8ට ආරම්භ කළේය.

පරිපූරක වෛද්‍ය වෘත්තියවේදීන්ගේ ඒකාබද්ධ බලමණ්ඩලය පැවසුවේ, ඊයේ දිනයේ වර්ජනය සඳහා වෛද්‍ය රසායනාගාර පර්යේෂණ වෘත්තිකයන්, ඖෂධවේදීන් ඇතුළු පරිපූරක වෛද්‍ය සේවාවට අයත් වෘත්තීන් 5ක් එක්වූ බවය.

මේ සම්බන්ධයෙන් අදහස් දැක්වූ වෛද්‍ය නලින්ද ජයතිස්ස මහතා,

“මේක තනිකරම දේශපාලන අරමුණ වෙනුවෙන් කරන වැඩක්.  හැමදාම මේක සෙල්ලමක් කරගෙන අපේ සෞඛ්‍ය පද්ධතිය කඩාකප්පල් කරන්න හිතාගෙන වැඩ කරනවා නම්, ඒ අයත් එක්ක සාකච්ඡා කරන්න සූදානම් නෑ. 

මේක සෙල්ලමක් නෙමෙයි. සතිකයට දෙකකට හැමදාම පැය 24, පැය 48 වර්ජන පටන් අරගෙන. මේකට මූණදෙන්න අපි ලෑස්තියි. කරුණාකරලා වැඩට එන්න. වැඩට ආවට පස්සෙ සාකච්ඡාවට සූදානම්”.