Telephone:
+94779456435

Email:
editor.todaynewslk@gmial.com

වැඩි මිලට වතුර බෝතල් අලෙවි කළ නෙළුම් කුළුණේ කඩ හිමියාට දඩ

1 year ago

රජයේ පාලන මිලට වඩා රු.80 කට වැඩි මිලකට පානීය ජල බෝතලයක් අලෙවි කිරීම සම්බන්ධයෙන් නෙළුම් කුළුණේ බිම් මහලේ කඩසාප්පු හිමියෙකුට රු.100,000 ක දඩයක් කොළඹ අතිරේක මහේස්ත්‍රාත්වරයා විසින් පෙරේදා (4) නියම කර තිබේ.

පාරිභෝගික කටයුතු අධිකාරිය වෙත ලද පැමිණිල්ලකට අනුව, එහි විමර්ශන ඒකකය විසින් සිදු කරන ලද වැටලීමකදී සැකකරු අත්අඩංගුවට ගන්නා ලදී.

සැකකරු උපරිම සිල්ලර මිල නියාමනය උල්ලංඝනය කරමින් රු.70 කට මිල නියම කිරීමට නියමිතව තිබූ මිලි ලීටර් 500 ක බෝතල් කළ ජලය රුපියල් 150 කට අලෙවි කර ඇති බව විමර්ශකයින් අධිකරණයට දැනුම් දුනි.

පාරිභෝගිකයින් සූරාකෑමෙන් ආරක්ෂා කිරීම සඳහා නිකුත් කරන ලද ගැසට් නිවේදනයක් මගින් පාලන මිලට වඩා බෝතල් කළ ජලය විකිණීම නිල වශයෙන් තහනම් කර ඇති බව නිලධාරීන් තවදුරටත් ප්‍රකාශ කළහ.