Telephone:
+94779456435

Email:
editor.todaynewslk@gmial.com

බන්ධනාගාර නිලධාරීන්ගේ වත්කම් බැරකම් සෙවිය යුතුයි – නීතිපති දෙපාර්තමේන්තුව

1 year ago

රට පුරා තිබෙන සියලුම බන්ධනාගාරවල සේවය කරන බන්ධනාගාර අධිකාරිවරුන් ඇතුළු උසස් නිලධාරීන්ගේ වත්කම් බැරකම් පිළිබඳව සොයා බැලීමට වෙනමම විමර්ශනයක් සිදු කිරීමේ අවශ්‍යතාවය මතුවී ඇතැයි ද අතිරේක සොලිසිටර් ජනරාල් දිලීප පීරිස් මහතා අධිකරණයට පෙන්වා දෙනවා.

ඒ, අධිකරණය මගින් වරදකරුවන් කරනු ලබන සිරකරුවන් ජනාධිපති විශේෂ පොදු සමාව ලබා ඇති බවට අසත්‍ය ලේඛන ඉදිරිපත් කරමින් අධිකරණය වෙත අසත්‍ය වාර්තා සැපයීම සඳහා ආධාර අනුබලදීම ඇතුළු චෝදනා යටතේ අත්අඩංගුවට ගෙන අධිකරණයට ඉදිරිපත් කළේ මේ වන විට වැඩ තහනමට ලක්කර ඇති බන්ධනාගාර කොමසාරි ජෙනරාල් හේරත් මුදියන්සේලාගේ තුෂාර නිශාන්ත උපුල්දෙනිය හෙට (11) දිනය දක්වා රක්ෂිත බන්ධනාගාර ගත කිරීමට කොළඹ අතිරේක මහේස්ත්‍රාත් මංජුල රත්නායක මහතා අද (10) නියෝග කළ අවථාවේදියී.

එම සැකකරු ඕනෑම කොන්දේසියක් යටතේ ඇප මත මුදාහරින ලෙසට විත්තියේ නීතිඥවරයා කළ ඉල්ලීම ප්‍රතික්ෂේප කළ අතිරේක මහේස්ත්‍රත්වරයා සැකකරු හෙට කොළඹ ප්‍රධාන මහේස්ත්‍රාත් අධිකරණය හමුවට ඉදිරිපත් කරන ලෙසට නියෝග කරමින් සැකකරු මෙලෙස රක්ෂිත බන්ධනාගාර ගත කරනු ලැබුවා.