Telephone:
+94779456435

Email:
editor.todaynewslk@gmial.com

බන්ධනාගාර ලොක්කන් පසුපස පැන්නීම ඇරඹෙයි

1 year ago

අල්ලස් හෝ දූෂණ චෝදනා විමර්ශන කොමිසම සහ අපරාධ පරීක්ෂණ දෙපාර්තමේන්තුව බන්ධනාගාර දෙපාර්තමේන්තු ප්‍රධානීන්ගේ වත්කම් සම්බන්ධයෙන් පරීක්ෂණ ආරම්භ කර ඇති බව වාර්තා වේ.

සිවිල් කණ්ඩායම් සහ පුද්ගලයන්ගෙන් ලැබුණු පැමිණිලි අනුව මෙම පියවර ගෙන ඇති බව දැනගන්නට තිබේ.

විමර්ශන මගින් බැංකු ගිණුම්, දේපළ සහ වාහන ආවරණය කෙරෙන අතර, සම්පූර්ණ හෙළිදරව් කිරීම් සඳහා අධිකරණ නියෝග ලබා ගනු ලැබේ.

බන්ධනාගාර නිලධාරීන් සහ පාතාල සාමාජිකයන් අතර ඇති බවට චෝදනා එල්ල වන සම්බන්ධතා සහ ජනාධිපති සමාව අනිසි ලෙස භාවිත කිරීම පිළිබඳව ද බලධාරීන් පරීක්ෂා කරමින් සිටින බව මහජන ආරක්ෂක අමාත්‍ය ආනන්ද විජේපාල උපුටා දක්වමින් මාධ්‍ය වාර්තා කර ඇත.

දිගු කලක් සේවය කළ නිලධාරීන්ගේ මාරුවීම් ඇතුළුව ප්‍රධාන දෙපාර්තමේන්තු ප්‍රතිසංස්කරණයක් අපේක්ෂා කරන බව ද වාර්තා වේ.

මේ අතර, මහජන ආරක්ෂක නියෝජ්‍ය අමාත්‍ය සුනිල් වටගල පැවසුවේ, ජනාධිපති සමාව අනිසි ලෙස භාවිත කරමින් සිරකරුවන් නිදහස් කිරීම සම්බන්ධයෙන් අධිකරණ අමාත්‍යාංශයේ ලේකම් ඇතුළු රජයේ ජ්‍යෙෂ්ඨ නිලධාරීන් කිහිප දෙනෙකුගෙන් ප්‍රශ්න කරන බවයි.

මෙම වසියලු ක්‍රියාමාර්ග ගෙන ඇත්තේ අනවසරයෙන් සිරකරුවකු නිදහස් කිරීම සම්බන්ධයෙන් අනුරාධපුර බන්ධනාගාරයේ නියෝජ්‍ය කොමසාරිස්වරයා අත්අඩංගුවට ගැනීමෙන් පසුව වන අතර, කැබිනට් තීරණයකින් පසු බන්ධනාගාර ප්‍රධානියා ද අනිවාර්ය නිවාඩු යවන ලදී.