‘Starlink’ චන්ද්රිකා අන්තර්ජාල සේවාව සියලුම ශ්රී ලාංකිකයන්ට ලබාදීම ගැන හිටපු ජනාධිපති රනිල් වික්රමසිංහ මහතා නිවේදනයක් නිකුත්කරමින් එහි නිර්මාතෘ සහ ප්රධාන විධායක නිලධාරී ඊලොන් මස්ක්ට සිය කෘතඥතාව පළ කර තිබේ.
නුදුරු දිනකදීම තමන් ඊලොන් මස්ක් හමුවීමේ බලාපොරොත්තුවෙන් සිටින බව හිටපු ජනාධිපතිවරයා වැඩිදුරටත් සඳහන් කර තිබෙනවා.
එම හමුවේදී මෙරට ඩිජිටල් ක්ෂේත්රය සඳහා ඇති තවත් අවස්ථා ගවේෂණය කිරීමට බලාපොරොත්තු වන බවයි ඔහු පවසන්නේ.
රනිල් වික්රමසිංහ මහතා 2024 වසරේ ඉන්දුනීසියාවේ බාලි හිදී පැවති 10වන ‘ලෝක ජල සමුළුවට’ සහභාගි වූ අවස්ථාවේදී ඊලොන් මස්ක් හමුවූ අතර එය ‘Starlink’ චන්ද්රිකා අන්තර්ජාල සේවාව ශ්රී ලංකාවට ලැබීමේ ක්රියාවලියේ ආරම්භය වේ.
ලොව සුප්රකට ව්යාපාරික ඊලොන් මස්ක් ඔහුගේ ‘X’ ගිණුමෙහි සටහනත් තබමින් පවසා සිටියේ, ‘Starlink’ අන්තර්ජාල සේවාව මේ වනවිට ශ්රී ලංකාව තුළ ක්රියාත්මක බවය.
මෙම ‘Starlink’ සමාගමට චන්ද්රිකා තාක්ෂණය භාවිතයෙන් ශ්රී ලංකාවේ අන්තර්ජාල සේවා සැපයීම සඳහා ‘විදුලි සංදේශ සේවා සැපයුම්කරු’ බලපත්රයක් නිකුත් කිරීමට විදුලි සංදේශ නියාමන කොමිෂන් සභාව ඉකුත් 2024 වසරේ දී කටයුතු කළේය.
