අධික ලෙස ඩිජිටල් තිර භාවිතය පෙර පාසල් දරුවන්ගේ මානසික හා චිත්තවේගීය වර්ධනයට අහිතකර ලෙස බලපා ඇති බව සෞඛ්ය ප්රවර්ධන කාර්යාංශය පවසනවා.
ළමා රෝග පිළිබඳ ජ්යෙෂ්ඨ මහාචාර්ය පූජිත වික්රමසිංහ අවධාරණය කළේ, අධික ලෙස තිර භාවිතය කථනය ප්රමාද කිරීමට, නින්දට බාධා කිරීම, අවධානය යොමු කිරීමේ ගැටළු සහ ආක්රමණශීලී හැසිරීම් පවා ඇති කළ හැකි බවයි.
ඕනෑවට වඩා තිර සමග කාලය ගතකිරීම මගින් සමාජ බැඳීම, ශාරීරික ක්රියාකාරකම් සහ භාෂා සංවර්ධනය සඳහා අවස්ථා අඩු කරන බව ඔහු සඳහන් කළේය.
මහාචාර්ය වික්රමසිංහ දෙමාපියන්ගෙන් ඉල්ලා සිටියේ තිර කාලය පිළිබඳ දැඩි සීමාවන් නියම කරන ලෙසයි.
එමෙන්ම අවුරුදු 2ට අඩු දරුවන් තිර භාවිතයෙන් සම්පූර්ණයෙන්ම වළක්වා ගත යුතු බවට ද ඔහු අවධාරණය කරනවා.
පෙර පාසල් දරුවන් දිනකට අවම වශයෙන් පැය 13ක නින්දක් ලබා ගත යුතු බවත්, සෞඛ්ය සම්පන්න සංවර්ධනයට සහාය වීම සඳහා අවම වශයෙන් පැය 3ක් ක්රියාශීලී ක්රීඩාවක යෙදිය යුතු බව මහාචාර්යවරයා පවසනවා.
