Telephone:
+94779456435

Email:
editor.todaynewslk@gmial.com

යට ඇඳුමේ සඟවාගෙන පිඹුරන් පිටමං කරන්න හැදූ ලාංකිකයෙක් තායිලන්තයේ අත්අඩංගුවට! කලිසම අස්සේ පිඹුරෝ තිදෙනෙක් ඉඳලා!

1 year ago

පිඹුරන් තිදෙනෙකු නීතිවිරෝධීව රටින් පිටතට රැගෙන යාමට තැත් කළ ශ්‍රී ලාංකිකයෙකු තායිලන්ත ගුවන්තොටුපොළකදී අත්අඩංගුවට ගෙන තිබෙනවා. 

බැංකොක්හි සුවර්ණභූමි ගුවන්තොටුපොළේදී මෙම ශ්‍රී ලාංකිකයා අත්අඩංගුවට ගෙන ඇති අතර සැකකරු ඔහුගේ යට ඇඳුම් තුළ සඟවා මෙම “Ball pythons” නැමති සර්ප විශේෂය එරටින් පිටතට රැගෙන යාමට තැත් කර ඇති බව වාර්තා වේ.

තායිලන්ත මාධ්‍ය වාර්තා කර ඇති පරිදි තායිලන්ත වනජීවි බලාත්මක කිරීමේ ජාලය විසින් සැකකරු අත්අඩංගුවට ගෙන ඇත. 

තායිලන්ත බලධාරීන් සැකකරු සම්බන්ධව සිදුකර ඇති විමර්ශනයේදී සැකකරු සත්ත්ව ජාවාරම් සම්බන්ධව ඉතිහාසයක් ඇති තැනැත්තෙකු බවද අනාවරණය වී ඇතැයි ද වාර්තා වේ.

සැකකරු විසින් නීතිවිරෝධීව ජාත්‍යන්තරව සතුන් ප්‍රවාහනය කිරීමට උත්සාහ කිරීමේදී හමුවූ පළමු අවස්ථාව මෙය නොවන බවත් තායිලන්ත මාධ්‍ය වාර්තා කර ඇති අතර ඔහු සම්බන්ධව එරට බලධාරීන් සිදුකළ විමර්ශනයේදී අනාවරණය වී ඇත්තේ පසුගිය වසරේ කොළඹදී ද මේ සම්බන්ධව නඩුවකට අදාළව සැකකරු අත්අඩංගුවට පත්ව ඇති බවය.

සැකකරු සම්බන්ධව ඇතිවූ සැකය මත ඔහුගේ ගමන්මලු පළමුව පරීක්ෂා කර ඇති අතර එහිදී කිසිවක් හමු නොවූ තැන සැකකරුව පරීක්ෂාවට ලක්කිරීමට පියවර ගෙන තිබේ.

මෙම පුද්ගලයා අවසරයකින් තොරව සතුන් අපනයනය කිරීමට උත්සාහ කිරීම සම්බන්ධයෙන් වනජීවී සංරක්ෂණ හා ආරක්ෂණ පනතේ 23 වන වගන්තිය සහ රේගුව හරහා නිෂ්කාශනය නොකළ භාණ්ඩ අපනයනය කිරීමට උත්සාහ කිරීම සම්බන්ධයෙන් රේගු පනතේ 242, 166 සහ 252 වගන්ති උල්ලංඝනය කර ඇති බවත් එයට අදාළව ඉදිරියේදී නීතිය ක්‍රියාත්මක කරන බවයි එරට ආරක්ෂක අංශ වැඩිදුරටත් සඳහන්කර සිටින්නේ.