Telephone:
+94779456435

Email:
editor.todaynewslk@gmial.com

ආදායම් බදු ලොක්කෙක් අල්ලස් දැලට හසුවෙයි

1 year ago

රුපියල් 50,000 ක මුදලක් අල්ලස් ලෙස ලබාගත් දේශීය ආදායම් දෙපාර්තමේන්තුවේ නියෝජ්‍ය කොමසාරිස්වරයෙකු අත්අඩංගුවට ගෙන තිබෙනවා

පිළියන්දල ප්‍රදේශයේ ව්‍යාපාරිකයෙකු විසින් සිදු කරන ලද පැමිණිල්ලකට අනුව මෙලෙස අත්අඩංගුවට ගෙන ඇත්තේ ජාවත්ත පාරේ පිහිටි දේශීය ආදායම් දෙපාර්තමේන්තුවේ නගර ශාඛාවේ, නියෝජ්‍ය කොමසාරිස්වරයෙකු වන කේ. සී.කේ. කුමාර යන අයයි.

පැමිණිලිකරු විසින් දෙමටගොඩ, කොළොන්නාව පාරේ පවත්වා ගෙන යනු ලබන ආයතනයක 2025 වර්ෂයට අදාළ බදු නිශ්කාෂන වාර්තාතාව ලබා ගැනීමට කටයුතු කිරීමේ දී පසුගිය වර්ෂයන් සඳහා රුපියල් 1,100,000/-ක හිඟ බදු මුදලක් ගෙවීමට ඇති බව දන්වා, එය ඉවත් කර, 2025 වර්ෂයට අදාළව නිශ්කාෂණ වාර්තාව ලබා දීම වෙනුවෙන් රුපියල් 100,000 ක මුදලක් අල්ලස් ලෙස ඉල්ලා ඇත.

පසුව එම මුදල රුපියල් 50,000 දක්වා අඩුකර ඇති අතර ඉන් රුපියල් 42,000ක මුදලක් ඔහු විසින් පසුගිය 03 වනදින ලබා ගෙන ඇති බව සඳහන්ය.

ඉතිරි රුපියල් 8,000ක මුදල අද දිනයේදී ලබා ගැනීමට යාමේදී සැකකරු අත්අඩංගුවට ගත් බව අල්ලස් හෝ දූෂණ චෝදනා විමර්ශන කොමිශන් සභාව සඳහන් කළේය.

අත්අඩංගුවට ගත් සැකකරු කොළඹ මහෙස්ත්‍රාත් අධිකරණයට ඉදිරිපත් කිරීමට නියමිතය.