රාජ්ය බුද්ධි සේවයේ හිටපු අධ්යක්ෂ නිලන්ත ජයවර්ධනට එරෙහිව විනය පියවර ගැනීම සාධනීය පියවරක් ලෙස ශ්රී ලංකා කතෝලික සභාව සැලකුවද, අවශ්ය වන්නේ ජනාධිපති කොමිෂන් සභාවේ නිර්දේශ ප්රකාරව අපරාධ නඩු පැවරීම බව ශ්රී ලංකා කතෝලික සභාව පවසයි.
ඔහු වහාම ක්රියාත්මක වන පරිදි සේවයෙන් නෙරපීමට ජාතික පොලිස් කොමිෂන් සභාව පසුගියදා තීරණය කළා.
කොළඹ අගරදගුරු පදවියේ මාධ්ය ප්රකාශක ගරු සිරිල් ගාමිණි පියතුමන් මේ අදහස් පළ කළේ අද පැවති ප්රවෘත්ති සාකච්ඡාවකදී ය.
2019 අප්රේල් 21 වනදා පාස්කු ඉරුදින ත්රස්ත ප්රහාරය එල්ලවන අවස්ථාවේ රාජ්ය බුද්ධි සේවයෙන් හිටපු අධ්යක්ෂවරයා ලෙස කටයුතු කළ ජ්යෙෂ්ඨ නියෝජ්ය පොලිස්පති නිලන්ත ජයවර්ධන මහතා සේවයෙන් නෙරපීමට ජාතික පොලිස් කොමිෂන් සභාව තීරණය කළේ ශ්රේෂ්ඨාධිකරණ නියෝග ප්රකාරව ඔහුට එරෙහිව සිදු කරනු ලැබූ විනය පරීක්ෂණයේදී චෝදනා පත්රයේ තිබූ සියලු චෝදනාවලට ඔහු වරදකරු වී තිබීම හේතුවෙන්.
