රජයට බදු නොගෙවා පැහැරහැරීම සම්බන්ධයෙන් පියුමි හංසමාලි හා අවුරා ලංකා සමාගමේ සභාපති තාඹුගලට එරෙහිව ඉදිරියේදී කොළඹ මහාධිකරණය හමුවේ අධි චෝදනා ගොනු කිරීමට පියවර ගන්නා බව දේශීය ආදායම් දෙපාර්තමේන්තුව ඊයේ (ජූලි 31) කොළඹ අතිරේක මහෙස්ත්රාත් පසාන් අමරසේන වෙත දැන්වීය.
එම දෙදෙනාට එරෙහි විමර්ශන වාර්තා නීතිපතිවරයා වෙත ඉදිරිපත් කර ඇති බවත් ඒ අනුව ඔවුන් දෙදෙනාට එරෙහිව කොළඹ මහාධිකරණය හමුවේ ඉදිරියේදී අධි චෝදනා ගොනු කිරීමට බලාපොරොත්තු වන බව ත් දේශීය ආදායම් කොමසාරිස්වරයා වෙනුවෙන් පෙනී සිටි ජ්යෙෂ්ඨ නීතිඥ දිනේෂ් පෙරේරා අධිකරණය හමුවේ පැවසීය.
2022, 2023 වර්ෂ සදහා අවුරා ලංකා සමාගමේ සභාපතිවරයා මිලියන 194ක බදු මුදලක් සහ පියුමි හංසමාලි නැමැත්තිය රුපියල් මිලියන 225ක බදු මුදලක් ගෙවීම පැහැර හැර ඇති බවයි මෙහිදී දේශීය ආදායම් කෙමසාරිස් ජනරාල්වරිය අධිකරණයට දැනුම් දුන්නේ.
බදු අපරාධ වැරදිවලට අදාළ විමර්ශනවල ප්රගති වාර්තා ඊයේ අධිකරණය හමුවේ කැඳවූ අවස්ථාවේදී දිනේෂ් පෙරේරා ඒ බව අධිකරණයට දැන්වීය.
රජයට හිමි විය යුතු බදු නොගෙවීම මඟින් මෙම සැකකරුවන් දෙදෙනා සාවද්ය පරිහරණය යන වැරැද්ද සිදුකර ඇති බව ඔහු අධිකරණයට දැනුම් දුන්නේ ය.
2017 දේශීය ආදායම් පනතේ 186, 189, 190 වගන්ති ප්රකාරව සිදු කර ඇති බව පැවැසෙන වැරදි සම්බන්ධයෙන් සිදුකළ විමර්ශනවලට අදාළ වැඩිදුර වාර්තාවක් ද නීතිඥවරයා එහිදී අධිකරණයට ඉදිරිපත් කළේ ය.
