Telephone:
+94779456435

Email:
editor.todaynewslk@gmial.com

හිටපු ජනපති වරප‍්‍රසාද කප්පාදුවෙන් රටට ඉතිරිවන මුදල මෙන්න

1 year ago

ජන­ප­ති­ව­රුන්ගේ හිමි­කම් පන­තෙන් ලැබී ඇති කාරණා සම්බ­න්ධ­යෙන් හිටපු ජනා­ධි­ප­ති­ව­රුන් 05 දෙන­කුට සහ හිටපු ජන­පති ආර්යා­ව­කට 2024 වසරේ රුපි­යල් කෝටි 9කට අධික රජයේ මුද­ලක් විය­ද­ම්කර ඇති බව පාර්ලි­මේ­න්තුවේ දී ඊයේ (10) හෙළි­විය.

මහ­ජන ආර­ක්ෂක සහ පාර්ලි­මේන්තු කට­යුතු ඇමැති ආනන්ද විජේ­පාල මහතා පාර්ලි­මේ­න්තුවේ දී ඊයේ (10) එම තොර­තුරු හෙළි­ක­රනු ලැබුවේ මෙසේය.

මහජන ආරක්ෂක සහ පාර්ලිමේන්තු කටයුතු අමාත්‍ය ආනන්ද විජේපාල මහතා පාර්ලිමේන්තුවේ දී සිදුකළ කතාවෙන් අනාවරණය වූ තොරතුරුවලට අනුව, 2024 වසරේ හිටපු ජනාධිපතිවරුන් සඳහා රජය විසින් වැය කර ඇති මුළු මුදල රුපියල් 98,548,839 (නව කෝටි අසූ පහ ලක්ෂ හතළිස් අට දහස් අටසිය තිස් නමයකි).

මෙම වියදම් වෙන් කර ඇත්තේ මෙලෙසින්:

  • චන්ද්‍රිකා බණ්ඩාරනායක කුමාරතුංග – රුපියල් 11,664,348
  • මහින්ද රාජපක්ෂ – රුපියල් 54,652,990
  • ගෝඨාභය රාජපක්ෂ – රුපියල් 15,772,450
  • මෛත්‍රීපාල සිරිසේන – රුපියල් 10,222,881
  • රනිල් වික්‍රමසිංහ – රුපියල් 3,492,309

ශ්‍රී ලංකාවේ ජනගහනය කෝටි 2ක් ලෙස සලකා බැලූ විට, මෙම පනත සම්මත වීමෙන් රටේ එක් පුරවැසියෙකුට වසරකට ලැබෙන ආසන්න වාසිය රුපියල් 4.93ක් පමණ වේ.

2025 වසර සඳහා ශ්‍රී ලංකා රජයේ අපේක්ෂිත මුළු වියදම රුපියල් බිලියන 7,190කි. හිටපු ජනාධිපතිවරුන් සඳහා 2024 වසරේ වැය කළ මුදල (රුපියල් 98.548 මිලියන) මෙම අයවැය වියදමෙන් සියයට 0.0014%ක ප්‍රතිශතයකි.