ඇපල් සමාගමේ නවතම iPhone 17 මාදිලිය ඉන්දියාවේ නිල වශයෙන් අද (19) සිට අලෙවි කිරීම ආරම්භ කර තිබෙනවා.
ඒ අනුව, අද දින සිට ගැනුම්කරුවන්ට iPhone 17, iPhone Air, iPhone 17 Pro සහ iPhone 17 Pro Max යන නව මාදිලි හතර ලබා ගැනීමට හැකි වනු ඇති.
අලෙවිය ඇරඹීමත් සමග ඉන්දියාවේ මුම්බායිහි බන්ද්රා කුර්ලා කොම්ප්ලෙක්ස් (BKC) සහ දිල්ලිහි සාකේත්හි පිහිටි ඇපල් වෙළෙඳසැල් ඉදිරිපිට අද අලුයම 05 පමණ සිට දිගු පෝලිම් දක්නට ලැබුණු බව විදෙස් මාධ්ය සඳහන් කරන්නේ.
ඉන්දීය වෙළෙඳපොලට විවෘත වූ iPhone නවතම මාදිලිය මිලදී ගැනීමට පැමිණි ඉන්දීය ජාතිකයින් අතර උණුසුම් තත්ත්වයක් ඇති වූ බව එරට මාධ්ය වාර්තා කර ඇත.
ඇපල් සමාගම සිය “Awe Dropping” නමින් පැවති උත්සවයේදී, මූලික iPhone 17 මාදිලිය සහ නව iPhone Air මාදිලිය ප්රදර්ශනය කිරීමෙන් පසුව, සැප්තැම්බර් 9 වන දින iPhone 17 Pro සහ Pro Max මාදිලි එළිදැක්වූවා.
පෝලිම්වල සිටි ඉන්දීය ජනතාව කලහකාරී ලෙස හැසිරී ඇති අතර එය පාලනය කර ගත නොහැකි මට්ටමකට ද පැමිණ ඇත.
කෙසේවෙතත් මෙම තත්ත්වය පාලනය කිරීම සඳහා ආරක්ෂක නිලධාරීන් ද යෙදවීමට සිදුවූ බව සඳහන් වේ.
ඒ අනුව, iPhone 17 (256GB) ඉන්දියානු රුපියල් 82,900ක් පමණ (ශ්රී ලංකා රුපියල් 345,000ක් පමණ), iPhone Air (256GB) ඉන්දියානු රුපියල් 1,19,900ක් පමණ (ශ්රී ලංකා රුපියල් 389,000ක් පමණ), iPhone 17 Pro (256GB) ඉන්දියානු රුපියල් 1,34,900 ක් පමණ (ශ්රී ලංකා රුපියල් 510,000ක් පමණ) සහ iPhone 17 Pro Max (256GB) ඉන්දියානු රුපියල් 1,49,900 ක් පමණ (ශ්රී ලංකා රුපියල් 585,000ක් පමණ) ලෙස මිල ගණන් දැක්වෙනවා.
