පොළොන්නරුව සහ ගිරිතලේ යන ප්රදේශවල රිළවුන් සහ වඳුරන් අතර සමාජ රෝග තත්ත්වයක් ව්යාප්ත වෙමින් පවතින බවට තොරතුරු වාර්තා වී තිබේ.
පූජා නගරය ආශ්රිතව ද වඳුරන් සහ රිළවුන් විශාල වශයෙන් සැරිසැරීම හේතුවෙන් මිනිසුන් අතර ද රෝගය ව්යාප්තවීමේ අවදානමක් පවතින බැවින් ඒ පිළිබඳ අවධානයෙන් පසුවන ලෙස වනජීවී නිලධාරීන් ජනතාවගෙන් ඉල්ලා සිටී.
රිළවුන් සහ වඳුරන් අධික වීම හේතුවෙන් පූජා නගරයට පැමිණෙන බැතිමතුන්ට හිරිහැර සිදු වන අතර, ගම්වාසීන් වගාහාණිවලින් පීඩා විඳිති.
මෙම පවතින ගැටළු මධ්යයේ, ව්යාප්ත වන නව රෝග තත්ත්වය හේතුවෙන් මිනිස්-සත්ව ගැටුම තවදුරටත් උග්ර වී තිබේ.
වඳුරන් සහ රිළවුන් තුළ සිපිලිස් රෝගයට සමාන රෝග ලක්ෂණ දක්නට ලැබුණු බව වාර්තා විය. මෙම සතුන්ගෙන් ලබාගත් සාම්පල පරීක්ෂා කිරීමේදී, එය බැක්ටීරියාවක් බව තහවුරු කර ගැනීමට හැකි විය.
මෙම රෝගය මිනිසුන්ට බෝවීමේ අවදානමක් පවතින්නේ, ආසාදිත සතුන්ගේ තුවාලවල ශ්රාවයන් මිනිසුන්ගේ සිරුරේ තැවරුණහොත්ය.
අවදානම ඉහළ යාමට ප්රධානතම හේතුවක් වී ඇත්තේ, මෙම සතුන් බොහෝ වෙලාවට පොළොන්නරුව පූජා භූමියෝ සහ මැදිරිගිරිය වැනි මිනිසුන් ගැවසෙන ස්ථානවල නිතර ගැවසීමයි.
