මොණරාගල මූලස්ථාන පොලිස් ස්ථානයේ නිලධාරීන් පිරිසක් විසින් ගෝනගංආර ප්රදේශයේ සිදු කළ වැටලීමකදී මොණරාගල සහ බුත්තල ප්රදේශවලට හෙරොයින් බෙදූ 26 හැවිරිදි සැකකරුවකු අත්අඩංගුවට ගෙන තිබේ.
සැකකරු විසින් සිය කලිසම් වාටිය තුළ සඟවා හෙරොයින් විවිධ ස්ථානවලට රැගෙන ගොස් ඇති බව පොලිසිය පවසයි.
කිරි බබා යන අන්වර්ථ නාමයෙන් හඳුන්වන සැකකරු සන්තකයේ තිබී හෙරොයින් මත්ද්රව්ය ග්රෑම් නවයයි මිලිග්රෑම් විසිපහක් සොයාගත් බවද පොලිසිය කියයි.
ගෝනගංආර ප්රදේශයේ පදිංචි සැකකරුව මොණරාගල මහේස්ත්රාත් අධිකරණයට ඉදිරිපත් කිරීමට නියමිතය.
සිද්ධිය සම්බන්ධයෙන් මොණරාගල පොලිසිය ඉදිරි විමර්ශන සිදු කරති.
