Telephone:
+94779456435

Email:
editor.todaynewslk@gmial.com

ජීව අත්බෝම්බ 86ක් එක්ක සැකකරුවන් 2ක් මාට්ටු

1 year ago

වව්නියාව සෙට්ටිකුලම ප්‍රදේශයේදී ජීව අත්බෝම්බ 86ක් සමඟ සැකකරුවන් දෙදෙනකු අත්අඩංගුවට ගත් බව පොලිස් මුලස්ථානය සඳහන් කරනවා.

කිරිබත්ගොඩ පොලිස් වසමේදී ටී 56 වර්ගයේ ගිනි අවියක් සන්තකයේ තබාගෙන සිටි සැකකරුවකු අත්අඩංගුවට ගැනීමත් සමඟ ඔහුගෙන් කරන ලද ප්‍රශ්න කිරීම්වලදී මෙම සැකකරුවන් දෙදෙනා සම්බන්ධයෙන් තොරතුරු අනාවරණය වී ඇතැයි ද පැවසෙනවා.

පුද්ගලයින් කිහිප දෙනකු ජීව අත්බෝම්බ 10ක් සමඟ පලා ගිය බවට ත්‍රස්ත මර්දන හා විමර්ශණ කොට්ඨාසයට ලද තොරතුරකට අනුව සිදුකළ විමර්ශනයකදී මෙම සැකකරුවන් අත්අඩංගුවට ගත් බව ද පොලිස් මූලස්ථානය ප්‍රකාශ කරනවා.

එම විමර්ශනයට සමගාමිව පෙරේදා (30) මෝදර අළුත්මාවතේදී ජීව අත්බෝම්බ  10ක් සොයා ගැනීමට පොලීසිය සමත් වී තිබුණා.

මේ වන විට එම ජීව අත්බෝම්බ 10 මෝදර පොලිසිය භාරයේ ඇතැයි ද පොලිස් මූලස්ථානය සඳහන් කරනවා.

මේ සම්බන්ධයෙන් ත්‍රස්ත මර්දන හා විමර්ශන කොට්ඨාසය හා මෝදර පොලිස් ස්ථානය වැඩිදුර විමර්ශන සිදු කරනු ලබන බවද පොලිස් මූලස්ථානය පවසනවා.