Telephone:
+94779456435

Email:
editor.todaynewslk@gmial.com

බලශක්ති අමාත්‍ය කුමාර ජයකොඩිට වැඩ වරදින ලකුණු

1 year ago

බලශක්ති අමාත්‍ය කුමාර ජයකොඩි මහතාට එරෙහිව නඩු පැවරීමට අල්ලස් හෝ දූෂණ චෝදනා විමර්ශන කොමිෂන් සභාව තීරණය කළහොත්, තමන් ඔහුට එරෙහිව නඩු ගොනු කරන බව  එම කොමිෂන් සභාවේ අධ්‍යක්ෂ ජනරාල් රංග දිසානායක මහතා පවසනවා.

අද  (02)  පැවති ප්‍රවෘත්ති සාකච්ඡාවකදී ඔහු  ප්‍රකාශ කළේ,  දූෂණ විරෝධී පනත අනුව, විමර්ශනයකට අදාළව නඩු පැවරීම හෝ නොකිරීම තීන්දු කරනු ලබන්නේ තිදෙනෙකුගෙන් සමන්විත අල්ලස් කොමිසම විසින් බවයි.

කොමිසමේ එම නිර්දේශ අනුව, අධිචෝදනා පත්‍ර ගොනු කිරීම අධ්‍යක්ෂ ජනරාල්වරයා ලෙස තමා විසින් සිදු කරන බව ඔහු එහිදී පෙන්වාදුන්නා.

එමෙන්ම රහසිගතව අවසන් කරමින් තිබූ මෙම විමර්ශනය පිළිබඳ තීන්දුවක් ගැනීමට පෙර මාධ්‍ය මගින් එය ප්‍රසිද්ධ කිරීමෙන් විමර්ශනයට බාධා එල්ල වූ බව රංග  දිසානායක මහතා පවසනවා.

ප්‍රවෘත්තිය  පළවූවේ කෙසේද යන්න පිළිබඳව මේ වන විටත් එය ගැටලුවක් බව පෙන්වාදුන් රංග දිසානායක මහතා පවසන්නේ, කොමිසමේ තීරණයකට පෙර මාධ්‍යයට තොරතුරු කාන්දු වූයේ කෙසේද යන්න පිළිබඳව විමර්ශනයක් කිරීමට ඉඩ ඇති බවයි.