කඳුකර මලයගම් ප්රජාවගේ නිවාසලාභීත්ව හිමිකම් පත් ලබා දීම ජනාධිපති අනුර කුමාර දිසානායක මහතා ප්රධානත්වයෙන් හෙට (12) පෙරවරුවේ බණ්ඩාරවෙල මහජන ක්රීඩාංගනයේදී සිදු කිරීමට කටයුතු සූදානම් කර තිබෙනවා.
ඉන්දියානු ආධාර යටතේ ක්රියාත්මක කෙරෙන නිවාස 10,000 ව්යාපෘතියේ හතරවන අදියරේ ප්රතිලාභීන් 2,000කට මෙහිදී නිවාස හිමිකම් ලබා දීමට නියමිතයි.
“සුවපහසු නිවසක්, සනීපාරක්ෂක ජීවිතයක්” යන තේමාව යටතේ ශ්රී ලංකා රජය ඉන්දියානු රජය සමඟ එක්ව මෙරට මලයගම් ප්රජාවගේ ජීවන තත්ත්වය උසස් කිරීමේ අරමුණින් ක්රියාත්මක කරන මෙම නිවාස ව්යාපෘතිය වැවිලි ප්රජාව සඳහා හුදෙක් නිවසක් ලබාදීමක් පමණක් නොව මව්බිමට ජවයක් සපයන “ගෞරවනීය පුරවැසියෙක්” වීමේ මූලික අඩිතාලම වනවා.
ඒ අනුව කඳුකර වතු ප්රදේශ වල පදිංචිව සිටින මලයගම් ජනතාවගේ ජීවන තත්ත්වය උසස් කිරීම, ආරක්ෂිත, පරිසර හිතකාමී සහ මූලික පහසුකම් සහිත නිවාස ලබාදීම මෙම වයාපෘතියේ අරමුණ වන අතර මේ සඳහා නිසි ක්රමවේදයක් ඔස්සේ ප්රතිලාභීන් තෝරා ගැනීම ද විශේෂත්වයක්.
