Telephone:
+94779456435

Email:
editor.todaynewslk@gmial.com

20යි 20 ලෝක කුසලානයේ ශ්‍රී ලංකා පිලෙහි පුහුණු තරග කාලසටහනෙහි වෙනසක්

4 years ago

පන්දුවාර 20යි 20 ලෝක කුසලාන ක්‍රිකට් තරගාවලියට පෙර ශ්‍රී ලංකාව ක්‍රීඩා කරන පළමු පුහුණු තරගය පැවැත්වීමට නියමිතව තිබූ දිනය එක් දිනකින් වෙනස් කර තිබෙනවා.

මීට පෙර ජගත් ක්‍රිකට් කවුන්සලය නිවේදනය කර තිබුණේ එම තරගය ඔක්තෝබර් 10 වැනිදා සිම්බාබ්වේ කණ්ඩායමට එරෙහිව මෙල්බර්න් ක්‍රිකට් ක්‍රීඩාංගනයේ දී පැවැත්වීමට නියමිත බවයි.

නමුත් සිම්බාබ්වේ කණ්ඩායම ඔස්ට්‍රේලියාවට පැමිණීමේදී ප්‍රමාදයක් සිදුව ඇති බැවින් තරගය ඔක්තෝබර් 11 වැනිදා දක්වා කල් දමා තිබෙනවා.

ශ්‍රී ලංකා කණ්ඩායම අයර්ලන්තයට එරෙහිව මෙල්බර්න් හි Junction Oval ක්‍රීඩාංගනයේ දී සිය දෙවැනි පුහුණු තරගය ඔක්තෝබර් 13 වැනිදා ක්‍රීඩා කිරීමට නියමිතවය.

ලෝක කුසලාන තරගාවලියේ පළමු වටය සදහා ශ්‍රී ලංකාව ක්‍රීඩා කිරීමට නියමිතව ඇති අතර, ඔක්තෝබර් 16 වැනිදා නැමීබියාවට එරෙහිවත්, ඔක්තෝබර් 18 වැනිදා එක්සත් අරාබි එමීර් රාජ්‍යයට එරෙහිවත්, ඔක්තෝබර් 20 වැනිදා නෙදර්ලන්තයට එරෙහිවත් ශ්‍රී ලංකාව තරග කිරීමට නියමිතව තිබෙනවා.