එළබෙන දීපාවලී උත්සව සමය නිමිත්තෙන් හැටන් නගරයට පැමිණෙන පාරිභෝගිකයන්ගේ ආරක්ෂාව වෙනුවෙන් හැටන් පොලීසියේ රථවාහන අංශය විසින් විශේෂ රථවාහන සැලැස්මක් දියත් කර තිබෙනවා.
හැටන් නගරයේ දැනට අවිධිමත් ලෙස වාහන ගාල් කිරීම හේතුවෙන් නගරයට පැමිණෙන පාරිභෝගිකයන් දැඩි ලෙස පීඩාවට පත් වීම සහ පාසල් වේලාවන් තුළ නගරයේ රිය අනතුරු සිදු වීමේ අවධානමක් පවතින නිසා මෙම රථවාහන සැලැස්ම දියත් කළ බවයි හැටන් පොලිසියේ රථවාහන අංශයේ නිලධාරින් සඳහන් කළේ.
ඒ අනුව හැටන් නගරයට පැමිණෙන පාරිභෝගිකයන් වැඩිපුර ගැවසෙන් ස්ථානවල රථවාහන ගාල් කිරිම හෝ නතර කිරිම සම්පූර්ණයෙන්ම තහනම් කර තිබෙනවා.
