Telephone:
+94779456435

Email:
editor.todaynewslk@gmial.com

2 වසරේ සිසුවියට විදුහල්පති දුන් අමානුෂික දඬුවම

1 year ago

දිනක් පාසල් නොපැමිණීමට කෝප වී පාසල් සිසුවියකට ලී පතුරකින් පහර දුන් ආණමඩුව අධ්‍යාපන කලාපයේ ප්‍රාථමික පාසලක විදුහල්පතිවරයෙක් සම්බන්ධයෙන් ආණමඩුව පොලීසිය විමර්ශනයක් අරඹා තිබේ.

ඒ අනුව පොලීසිය විසින් අදාළ පහරදීමට සම්බන්ධ විදුහල්පතිවරයා සම්බන්ධයෙන් අධිකරණයට කරුණු වාර්තා කර ඇත.

මෙලෙස පහර කෑමට ලක්ව ඇත්තේ කෑදැත්තෑව ප්‍රදේශයේ පදිංචි 7 හැවිරිදි දැරියකි.

අදාළ සිදුවීමට මුහුණ දී ඇති දැරිය පෙර දින පාසලට නොපැමිණීම ගැන කෝප වී, අසල තිබූ ලී පතුරක් රැගෙන විදුහල්පතිවරයා විසින් පහර කිහිපයක් ගසා ඇති බව ඇගේ මව්පියන් විසින් ආණමඩුව පොලීසියට පැමිණිලි කර ඇත.

ඒ අනුව ඉදිරි විමර්ශන කටයුතු ආණමඩුව පොලිස්ථානාධිපති ප්‍රධාන පොලිස් පරික්ෂක සංජීව ප්‍රේමතිලක මහතාගේ උපදෙස් මත, අපරාධ විමර්ශන අංශ ස්ථානාධිපති පොලිස් පරීක්ෂක ආර්.ඒ. වන්නිආරච්චි මහතා ඇතුළු කණ්ඩායමක් පවත්වයි.