අමෙරිකානු ජනාධිපති ඩොනල්ඩ් ට්රම්ප්ට එරෙහිව එක්සත් ජනපදයේ දැවැන්ත විරෝධතා මාලාවක් නිර්මාණය වී තිබේ.
අමෙරිකා එක්සත් ජනපදයේ ප්රාන්ත රැසක මෙම විරෝධතා සඳහා දහස් ගණනක ජනතාවක් එක්ව ඇති බව විදෙස් මාධ්ය වාර්තා කර ඇත.
ට්රම්ප් පරිපාලනය ෆැසිස්ට්වාදය සහ ඒකාධිපති රාජ්යක් කරා එක්සත් ජනපදය රැගෙන යමින් ඇති බවත් කොංග්රසය අනුමත කර ඇති අරමුදල් අවහිර කිරීම සහ ෆෙඩරල් රජයේ කොටස් විසුරුවා හැරීම, සංක්රමණිකයින් මර්දනය, පුළුල් තීරුබදු ක්රියාත්මක කිරීම, අමෙරිකානු නගරවලට ජාතික ආරක්ෂක භටයින් යෙදවීම අමෙරිකානුවන්ගේ සෞඛ්ය සේවා කප්පාදුව ඇතුළු කරුණු ගණනාවක් මුල් කර ගනිමින් විරෝධතාකරුවන් මෙහිදී විරෝධය දක්වා ඇත.
