විදුලිබල ක්ෂේත්ර ප්රතිසංස්කරණ ලේකම් කාර්යාලයේ අධ්යක්ෂ ජනරාල්වරයාගේ සේවා කාලය වසරකින් දීර්ඝ කිරීමට බලශක්ති අමාත්යාංශ ලේකම්වරයා ගෙන ඇති තීරණය විදුලි බල හා බලශක්ති අමාත්ය කුමාර ජයකොඩි මහතා විසින් වහාම ක්රියාත්මක වන පරිදි අවලංගු කිරීමට නියෝග කර තිබේ.
පසුගිය ඔක්තෝබර් 15 වැනිදා බලශක්ති අමාත්යාංශයේ ලේකම් උදයංග හේමපාල මහතා විසින් විදුලිබල ක්ෂේත්ර ප්රතිසංස්කරණ ලේකම් කාර්යාලයේ අධ්යක්ෂ එච්.පී. නිරෝෂන් මහතා වෙත ලිපියක් යොමු කරමින් දැනුම් දී ඇත්තේ ඒ මහතාගේ ධුර කාලය එළැඹෙන වසරේ ජුනි 26 වෙනිදා දක්වා දීර්ඝ කළ බවය.
බලශක්ති අමාත්ය කුමාර ජයකොඩි මහතා විදේශ ගතව සිටින අතරතුරදී මෙම ලිපිය නිකුත් කර ඇති බවයි වාර්තා වන්නේ.
කෙසේ වෙතත් මෙම ලිපිය සම්බන්ධව පසුගිය 22 වැනිදා බලශක්ති අමාත්ය කුමාර ජයකොඩි මහතා විසින් ලිපියක් යොමු කරමින් අමාත්යාංශ ලේකම්වරයා වෙත දන්වා ඇත්තේ, වහාම ක්රියාත්මක වන පරිදි අදාළ පත්වීම අවලංගු කරන ලෙසය.
අදාළ ලිපිය මඟින් අමාත්යවරයා සඳහන් කර ඇත්තේ, තමන් විසින් අදාළ පත් වීම සඳහා කිසිදු ලෙසකින් අනුමතියක්ද ලබා දී නොමැති බවය.
ඒ අනුව වහාම ක්රියාත්මක වන පරිදි මෙම පත්වීම අවලංගු කරන ලෙස අමාත්යවරයා අමාත්යාංශ ලේකම්වරයාට ලිඛිතව දන්වා තිබේ.
