තද සුළං, තද වැසි සහ රළු මුහුදු ප්රදේශ පිළිබඳ අවවාදාත්මක නිවේදනයක් කාලගුණවිද්යා දෙපාර්තමේන්තුව විසින් නිකුත් කර තිබෙනවා.
එය ඉදිරි පැය 24 සඳහා බලපැවැත්වෙනවා.
දිවයිනට ඊසාන දෙසින් බෙංගාල බොක්ක මුහුදු ප්රදේශයේ ඇති වූ “මොන්තා” සුළි කුණාටුව, අද උදෑසන 2.30 පමණ වන විට මුලතිව් සිට කිලෝමීටර 650ක පමණ ඊසාන දෙසින් අක්ශාංෂ 14.4° N සහ දේශාංශ 83.3° E ආසන්නයේ කේන්ද්රගතව පැවතුන බව එම නිවේදනයේ සඳහන්.
මෙම පද්ධතිය උතුරට බරව වයඹ දිශාවට ගමන් කරමින් චණ්ඩ සුළිකුණාටුවක් දක්වා තව දුරටත් වර්ධනය වී අද සවස හෝ රාත්රියේ දී අන්ද්රා ප්රදේශ් වෙරළ තීරය හරහා ගමන්කරනු ඇතැයි අපේක්ෂා කෙරෙනවා.
ඉදිරි පැය 24 තුළ කන්කසන්තුරය සිට ත්රිකුණාමලය හරහා මඩකලපුව දක්වා වෙරළට ඔබ්බෙන් වන මුහුදු ප්රදේශ ආශ්රිතව ධීවර සහ නාවික කටයුතුවලින් වැළකී සිටින ලෙස ද කාලගුණවිද්යා දෙපාර්තමේන්තුව දැනුම්දෙන්නේ.
හලාවත සිට මන්නාරම හරහා කන්කසන්තුරය දක්වා සහ ගාල්ල සිට හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්රදේශ ආශ්රිතව ධීවර සහ නාවික කටයුතුවල නිරත ප්රජාව මේ පිළිබඳ අවධානයෙන් පසුවන ලෙසත් කාලගුණවිද්යා දෙපාර්තමේන්තුව ඉල්ලා සිටිනවා.
පහත සිතියදම් ලකුණු කර ඇති මුහුදු ප්රදේශවල ගිගුරුම් සහිත තද වැසි ඇතිවන අතර, සුළඟේ වේගය විටින්විට පැ.කි.මී. 70-80 දක්වා වැඩිවීමත් සමග එම මුහුදු ප්රදේශ විටින් විට රළු හෝ ඉතා රළු විය හැකියි.
එම නිවේදනය පහතින්.

