ලබන 21 වැනිදා පැවැත්වීමට නියමිත විපක්ෂ රැලියට සහභාගී නොවීමට සර්ව ජන බලය පක්ෂය තීරණය කර තිබෙනවා.
සාකච්ඡාවකින් තොරව සරලව මතුපිටින් ගෙන හදන්න හදන කිසිම විපක්ෂයක් ඒකාබද්ධ හෝ ඒකාබද්ධ නොවී සාර්ථක වන්නේ නැති බව සර්වජන බලය නායක, දිලිත් ජයවීර මහතා පවසනවා.
මන්ත්රීවරයා මේ බව පැවසුවේ සර්වජන බලය පක්ෂ කාර්යාලයේ ඊයේ (29) පැවති මාධ්ය සාකච්ඡාවකට එක්වෙමින්
එහිදී වැඩිදුරටත් අදහස් දැක්වූ මන්ත්රීවරයා
“අපට අවශ්යයි මේ හැමෝගෙන්ම අහන්න, මොකක්ද අපි ඉදිරිපත් කරන විසඳුම, වැඩපිළිවෙළ, ඒ පිටුපස තිබෙන ක්රියාමාර්ග, ඉන් කොහොමද තාර්කිකව ජනතාවගේ ජන ජීවිතය වෙනස්වී දරිද්රතාවය නැතිවී දියුණු රටක් බවට පත් වෙන්නේ කියලා. මේ සංවාදයක් නැතුව අපි නැවත වරක් මේ මහ පොළොවේ පස් කාගෙන කෑ ගැහුවාට වැඩක් නෑ. සද්භාවයෙන් කටයුතු කරනවා නම් අපි එක ලකුණකින් තරග කරනවා. හැබැයි ඒකාබද්ධව නෙවෙයි.
වෙන වෙනම දේශපාලනය කරන අතරේ ප්රජාතන්ත්රවාදය රැකගන්න ඕනෙ. ඒ ගැන විශ්වාසයක් තිබෙන කවුරුහරි ඉන්නවා නම් යෝජනා කළ යුත්තේ අවම කොන්දේසි මත එක ලකුණකින් තරග කිරීමට වැඩපිළිවෙළක්. එහෙම නැතුව රෑට එතැන ඉඳලා දවල්ට මෙතැන ඉඳලා ආයෙමත් රෑට එතැන්ට ගිහින් කතා කර ඒ ගුලි කන්න අපට බෑ.”
