2026 අයවැයේදී අන්තර්ජාතික මූල්ය අරමුදලේ පරාමිතීන් සමඟ අඛණ්ඩව කටයුතු කිරීම සම්බන්ධයෙන් හිටපු විදේශ කටයුතු සහ මුදල් අමාත්ය අලි සබ්රි ජාතික ජන බලවේග රජය ප්රශංසා කර තිබේ.
ජනාධිපති රනිල් වික්රමසිංහගේ පරිපාලනය මහජන කෝපය හමුවේ ගැනීමට එඩිතර නොවන තීරණ ගත් බවත්, එම නිසා ජනාධිපති ධුරය අහිමි වුවත් රට බංකොලොත් භාවයෙන් බේරා ගත් බව නිවේදනයක් නිකුත් කරමින් හිටපු පාර්ලිමේන්තු මන්ත්රී අලි සබ්රි පවසනවා.
ජනාධිපති අනුර කුමාර දිසානායක විසින් ඊයේ ඉදිරිපත් කරන ලද අයවැය, අන්තර්ජාතික මූල්ය අරමුදලේ පරාමිතීන් සමඟ අඛණ්ඩව කටයුතු කිරීමට අධිෂ්ඨාන කරගෙන සිටින එම මාර්ගයේම අඛණ්ඩ පැවැත්මක් බව ඔහු පෙන්වා දුන්නේය.
“එසේ වුවද, නායකත්වය මනිනු ලබන්නේ අඛණ්ඩතාවයෙන්, දේශපාලන එදිරිවාදිකම්වලින් ඔබ්බට විඳදරාගත යුතු දේ හඳුනා ගැනීමේ හැකියාවෙන්. ජනාධිපති අනුර කුමාර දිසානායකට සැබෑ ගෞරවය හිමිවිය යුත්තේ එතැනිනි. ඔහුගේ ව්යාපාරය වරක් දැඩි ලෙස විරුද්ධ වූ මෙම ප්රතිසංස්කරණම අඛණ්ඩව කරගෙන යෑම ධෛර්යය සම්බන්ධ කුඩා ක්රියාවක් නොවේ,” සබ්රි පැවසීය.
