Telephone:
+94779456435

Email:
editor.todaynewslk@gmial.com

අද විභාගයට මුහුණ දීමට සිටි උසස් පෙළ ශිෂ්‍යාවක් නිදියහනේදීම මියයයි

1 year ago

මෙවර උසස් පෙළ විභාගය සඳහා ජීව විද්‍යාව අංශයෙන් පෙනී සිටීමට නියමිතව සිටි දඹුල්ල ප්‍රදේශයේ ශිෂ්‍යාවක් ජීවිතක්ෂයට පත්ව තිබෙනවා.

දඹුල්ල ජාතික පාසලේ ඉගෙනුම ලැබූ ශිෂ්‍යාවක් එලෙස ජීවිතක්ෂයට පත්ව ඇති බවයි පොලිසිය සඳහන් කළේ.

ඊයේ රාත්‍රියේ අධ්‍යාපන කටයුතු සිදුකරමින් සිට රාත්‍රී නින්දෙන් පසු උදෑසන අවදි නොවීම හේතුවෙන් දෙමාපියන් සොයා බැලීමේදී ඇය සිහිසුන්ව සිට තිබෙනවා.

ඒ හේතුවෙන් එම ශිෂ්‍යාව දඹුල්ල මූලික රෝහලට ඇතුළත් කිරීමටයි දෙමාපියන් පියවර ගෙන ඇත්තේ. කෙසේ වෙතත්, ඇය ඒ වන විටත් මියගොස් සිටි බවයි පොලිසිය සඳහන් කළේ.

එම ශිෂ්‍යාව හදිසියේ මෙලෙස ජීවිතක්ෂයට පත්වීමට හේතුව මෙතෙක් නිශ්චිතව අනාවරණය වී නැහැ.