අම්බලන්ගොඩ, මෝදර දේවාල කමිටුවේ සභාපතිවරයා ඝාතනය කිරීමේ සිද්ධියට සම්බන්ධ සැකකරුවන් තිදෙනෙකු (3) අත්අඩංගුවට ගත් බව පොලිසිය පවසනවා.
එහිදී මෙම ඝාතනයට භාවිත කළ ගිනි අවියක් සහ ඊට අදාළ උණ්ඩ 7ක් ද සොයාගත් බවයි පොලිසිය සඳහන් කළේ.
තවද, අත්අඩංගුවට ගත් සැකකරුවන් විසින් අපරාධය සඳහා භාවිත කරන ලද මෝටර් රථයක්, කැබ් රථයක් සහ යතුරු පැදියක් ද මේ වන විට පොලිස් භාරයට ගෙන තිබෙනවා.
දකුණු පළාත භාර ජ්යේෂ්ඨ නියෝජ්ය පොලිස්පතිවරයාගේ අධීක්ෂණය යටතේ, ගාල්ල දිසා අපරාධ කොට්ඨාසය මෙම වැටලීම සිදුකර තිබෙනවා.
