අයහපත් කාලගුණ තත්ත්වය හේතුවෙන් ජාතික රුධිර පාරවිලයන සේවය සංවිධානය කරන ජංගම රුධිර කදවුරු බොහොමයක් දිවයින පුරා අවලංගු වී ඇත.
ජංගම කදවුරු අවලංගු වීමත් සමඟ, රුධිර බැංකු වෙත පැමිණ රුධිරය පරිත්යාග කරන පරිත්යාගශීලීන්ගේ සංඛ්යාවද අඩුවී තිබේ.
මේ හේතුවෙන් ඉදිරි දින කිහිපයේ රෝහල්වල රුධිර සංචිතවල අඩුවීමක් සිදුවන අවදානමක් පවතින බව නිලධාරීන් පවසයි.
නාරාහේන්පිට ජාතික රුධිර මධ්යස්ථානය සහ වැඩි අවශ්යතාවයක් පවතින රෝහල් ලේ බැංකු වෙත රුධිරය පරිත්යාග කිරීමට ජනතාවගෙන් ඉල්ලා සිටී.
රුධිරය පරිත්යාග කළ හැකි ස්ථාන සහ වේලාවන්:
නාරාහේන්පිට ජාතික රුධිර මධ්යස්ථානය – පෙ.ව. 8.00 සිට ප.ව. 6.00 දක්වා
රාගම ශික්ෂණ රෝහල, මහරගම අපේක්ෂා රෝහල, යාපනය, කුරුණෑගල, අනුරාධපුරය, මහනුවර, බදුල්ල, හම්බන්තොට, කළුතර, රත්නපුරය, ගාල්ල ජාතික රෝහල් ලේ බැංකු – පෙ.ව. 8.00 සිට ප.ව. 4.00 දක්වා
මාතර කඹුරුගමුව දක්ෂිණ රුධිර මධ්යස්ථානය – පෙ.ව. 8.00 සිට ප.ව. 4.00 දක්වා
