ප්රවීන රංගන ශිල්පී නිහාල් ප්රනාන්දු අභාවප්රාප්ත වී තිබෙනවා.
මිය යන විට ඔහු (71) වැනි වියේ පසු වුණා.
ඔහු වේදිකා, සිනමා සහ ටෙලි නාට්ය නළුවෙකු වශයෙන් ක්ෂේත්රයට මතක රැසක් තිළිණ කර තිබෙනවා.
සයිමන් නවගත්තේගමගේ “ස්ත්රී” නාට්යයෙන් ප්රසිද්ධ වේදිකාවට පිවිසි ඔහු “සුබ සහ යස”, “සුදු සහ කළු”, “ඒකාධිපති”, “පණ්ඩුකාභය”, “අංගාරා ගඟ ගළා බසී” ඇතුළු වේදිකා නාට්ය රැසකට රංගනයෙන් දායක වුණා.
“අඹරාවක්”, “උඩුගංබලා”, “නේරංජනා”, “අන්තඃස්වරය”, “වංශක්කාරයෝ”, “කුලැත්තියෝ” සහ “අක්වැස්ස” වැනි ටෙලිනාට්යවල තිර රචනය කරමින් අධ්යක්ෂණය කිරීමටද ඔහු කටයුතු කළා.
එමෙන්ම “කඩවර”, “රන්තාලිය වලව්ව”, “තෙත් සහ වියලි”, “ගෞතමී”, “පින්න හරි සැරයි”, “හැන්ඳෑවක්”, “බොරදිය කඳුර”, “තරු කැට අහුරක්” වැනි ටෙලි රැසකට රංගන දායකත්වය ලබා දී තිබෙනවා.
