Telephone:
+94779456435

Email:
editor.todaynewslk@gmial.com

ෆේස්බුක්, යූටියුබ් ඇතුළු සමාජ මාධ්‍ය භාවිතයේදී ප්‍රවේශම්වන්න

11 months ago

ශ්‍රී ලංකා පරිගණක හදිසි ප්‍රතිචාර සංසදය (Sri Lanka CERT) සමාජ මාධ්‍ය ඔස්සේ සිදුකරන මාර්ගගත සහ මුදල් වංචා ඉහළ යාමක් පිළිබඳ මහජනතාවට අනතුරු ඇඟවීමක් නිකුත් කර තිබේ.

උත්සව සමය සහ දැනට පවතින කාලගුණික ආපදා තත්ත්වය උපයෝගී කරගනිමින්, වංචාකරුවන් රාජ්‍ය ආයතන, ව්‍යාපාරික ආයතන සහ සහන වැඩසටහන් ව්‍යාජ ලෙස අනුකරණය කරමින් වංචනික සබැඳි සහ ප්‍රවර්ධන පණිවිඩ සමාජ මාධ්‍ය ඔස්සේ ප්‍රචාරය කරන බව CERT පෙන්වා දෙයි.

මෙවැනි සබැඳි හරහා මුදල් පරිත්‍යාග කිරීමට හෝ පුද්ගලික තොරතුරු ලබා දීමට පොළඹවීමෙන්, ඇතැම් පුද්ගලයන්ගේ බැංකු ගිණුම්වලට අනවසර පිවිසුම් සිදු වී මුදල් අහිමි වූ අවස්ථා වාර්තා වී ඇත.

ඒ හේතුවෙන් සැක සහිත සබැඳි වෙත ප්‍රවේශ නොවීම, පුද්ගලික සහ බැංකු තොරතුරු හෙළි නොකිරීම, OTP කේත කිසිවිටෙකත් බෙදා නොගැනීම සහ ඕනෑම මූල්‍ය ඉල්ලීමක සත්‍යතාව තහවුරු කර ගැනීම අත්‍යවශ්‍ය බව Sri Lanka CERT මහජනතාවට අවධාරණය කරයි.