Telephone:
+94779456435

Email:
editor.todaynewslk@gmial.com

රෝද පුටු භාවිතා කරන්නියක් පළමුවරට අභ්‍යවකාශය තරණය කරයි – “ඔබේ සිහින කිසිවිටෙකත් අත් නොහරින්න”

11 months ago

අභ්‍යාවකාශ ගවේෂණ ඉතිහාසයේ නව සන්ධිස්ථානයක් සනිටුහන් කරමින් ජර්මානු ඉංජිනේරුවරියක් වන මිෂෙලා බෙන්තවුස් රෝද පුටු භාවිත කරන්නෙකු ලෙස අභ්‍යාවකාශයට ගිය ලොව පළමු පුද්ගලයා බවට පත්ව තිබෙනවා.

මිෂෙලා ඊයේ දිනයේ Amazon නිර්මාතෘ ජෙෆ් බේසෝස්ගේ Blue Origin (බ්ලූ ඔ්ර්ජින්) සමාගමට අයත් ‘නිව් ෂෙපර්ඩ්’ (New Shepard) රොකට්ටුව හරහා අභ්‍යාවකාශ ගතවුණා.

පෘථිවියේ සිට කිලෝමීටර් 105ක පමණ උසකට එනම් අභ්‍යවකාශයේ නිල සීමාව ලෙස සැළකෙන කර්මන් රේඛාව පසු කරමින් ඇය රැගත් රොකට්ටුව ගමන් කළ අතර, මේ සඳහා ගතවූ පියාසැරි කාලය විනාඩි 11ක්.

මෙම ගමන සඳහා එක්වූ යුරෝපා අභ්‍යාවකාශ ඒජන්සියේ සේවය කරන අභ්‍යාවකාශ ඉංජිනේරුවරියක වන මිෂෙලා මීට වසර හතකට පෙර අනතුරකට මුහුණ දුන් අතර, ඉන් ඇගේ කොඳු ඇටපෙළට හානි සිදුව තිබුණා.

බෙන්තවුස්, පෘථිවියට නැවත පැමිණීමෙන් පසු අදහස් දැක්වමින් පවසා ඇත්තේ “අවංකවම, එය මෙතෙක් ලැබුණු සිසිල්ම අත්දැකීමයි,” යනුවෙනි.

“ඔබ ඔබේ සිහින කිසි විටෙකත් අත් නොහැරිය යුතු යැයි මම සිතමි. සමහර විට එය සැබෑ වීමට ඇති ඉඩකඩ අඩුය,”

එහිදි ඇය වැඩිදුරටත් ලෝකයෙන් ඉල්ලා සිටියේ ආබාධ සහිත පුද්ගලයින් සඳහා ද සෑම දෙයකටම ප්‍රවේශ්‍ය වීමේ හැකියාව වැඩි දියුණු කරන ලෙසය.