Telephone:
+94779456435

Email:
editor.todaynewslk@gmial.com

මෝටර් රථයක් දුම්රියක ගැටී බිහිසුණු අනතුරක්

11 months ago

කොස්ගම පියගම ප්‍රදේශයේ දී දුම්රිය මාර්ගයට අනාරක්ෂිත ලෙස ඇතුළු කළ මෝටර් රථයක් ඊයේ (27) පස්වරුවේ දුම්රියක ගැටී තිබෙනවා.

බෙලිඅත්ත සිට මරදාන දක්වා ධාවනය වූ සීඝ්‍රගාමී දුම්රියකයි මෙලෙස  මෝටර් රථය ගැටී ඇත්තේ.‍

අනතුරින් පුද්ගලයින් තිදෙනෙකු බරපතළ තුවාල ලබා බලපිටිය සහ කරාපිටිය යන ශික්ෂණ රෝහල්වලට ඇතුලත් කර තිබෙනවා.

වර්ණ සංඥා පද්ධතියක් සවිකොට එහි වර්ණ යොදා මෙන්ම ආරක්ෂිත සීනුවද නාද වෙමින් තිබියදී මෙම මෝටර් රථය දුම්රිය මාර්ගය තුළට ඇතුල් කළ බවයි  සිද්ධිය ඇසින් දුටු ප්‍රදේශවාසීන් පවසන්නේ.

දුම්රියේ ගැටුණු මෝටර් රථය විසි වී ගොස් ඇති අතර, මෝටර් රථයේ සිටි පියා, පුතා සහ ඥාති කාන්තාවකුයි මෙලෙස තුවාල ලබා ඇත්තේ.

කොස්ගොඩ පොලිසිය සිද්ධිය සම්බන්ධයෙන් වැඩිදුර විමර්ශන සිදු කරයි