පසුගිය මහ මැතිවරණ සමයේ මැතිවරණ නීති උල්ලංඝනය කළ බවට එල්ල වූ චෝදනාවක් සම්බන්ධයෙන් වන නඩුවට අදාළව හිටපු අමාත්ය හරීන් ප්රනාන්දු මහතා අද (06) පෙරවරුවේ බදුල්ල මහෙස්ත්රාත් අධිකරණය හමුවේ පෙනී සිටියේය.
අධිකරණ නියෝගය
අදාළ නඩු කටයුත්ත බදුල්ල මහෙස්ත්රාත් උදිත් ගුණතිලක මහතා ඉදිරියේ අද කැඳවනු ලැබූ අතර, එහිදී ඉදිරිපත් වූ කරුණු සලකා බැලූ මහෙස්ත්රාත්වරයා නඩුව නැවත මැයි මස 05 වනදා කැඳවීමට නියෝග කළේය.
නඩුවට පාදක වූ සිද්ධිය
පසුගිය මහ මැතිවරණයේ ප්රචාරක කටයුතු අවසන් කිරීමට නියමිතව තිබූ දින, බදුල්ල නගරයේදී මැතිවරණ නීති උල්ලංඝනය වන අයුරින් පෙළපාලියක නිරත වීම හරීන් ප්රනාන්දු මහතාට එල්ල වී ඇති ප්රධාන චෝදනාවයි.
සිද්ධියට අදාළව ප්රකාශයක් ලබාදීම සඳහා පසුගිය වසරේ නොවැම්බර් මස 20 වන දින බදුල්ල මූලස්ථාන පොලීසියට පැමිණි අවස්ථාවේදී ඔහු අත්අඩංගුවට ගනු ලැබූ අතර, එදිනම අධිකරණයට ඉදිරිපත් කිරීමෙන් පසු රුපියල් ලක්ෂ පහක ශරීර ඇප මත මුදාහැරීමට නියම විය.
