කටුනායක ගුවන් තොටුපොළ තුළ දී මෙතෙක් අත්අඩංගුවට ගත් වටිනාකම සහ ප්රමාණයෙන් විශාලතම මත්ද්රව්ය තොගය ලෙස රුපියල් කෝටි පනහක් වටිනා ” කුෂ්” මත්ද්රව්ය තොගයක් අද (06) දින උදෑසන ගුවන් තොටුපොළ පැමිණීමේ පර්යන්තයේ දී විදේශීය ගුවන් මගීන් තිදෙනක් රේගු මත්ද්රව්ය පාලන අංශයේ නිලධාරීන් පිරිසක් විසින් අත්අඩංගුවට ගෙන තිබෙනවා .
මොවුන් ඉන්දියාවේ මුම්බායි නුවර පදිංචි කාන්තාවන් දෙදෙනෙකු සහ පිරිමි පුද්ගයෙක් බවයි සඳහන් වන්නේ .
පිරිමි පුද්ගලයා 27 හැවිරිදි මුම්බායි නුවර දුරකථන හුවමාරු මධ්යස්ථානයක සේවය කරන්නෙක් වන අතර අනෙක් කාන්තාවන් දෙදෙනා 25 හැවිරිදි සහ 31 හැවිරිදි වියේ පසුවන මුම්බායි නුවර සේවය කරන පාසැල් ගුරුවරියන් දෙදෙනෙක් .
මොවුන් අතරින් එක් ගුරුවරියක සමග මෙහි පිරිමි පුද්ගලයා විවාහ වී සිටින අතර අනෙක් ගුරුවරිය ඔහුගේ නැගණියයි.
ඔවුන් වෙත බැංකොක් සවාරියක් දෙන බවට මත්ද්රව්ය ජාවාරම්කරුවන් පොරොන්දු වී , මෙම මත්ද්රව්ය තොගය කටුනායක ගුවන් තොටුපොළ වෙත එවා ඇති බවයි රේගු නිලධාරීන් සිදු කළ මූලික විමර්ශන වලදී අනාවරණය වී ඇත්තේ .
ඔවුන් අද (06) දින උදෑසන 11.07 ට තායිලන්තයේ බැංකොක් නුවර සිට ශ්රී ලන්කන් ගුවන් සේවයේ යූ.එල්.- 403 දරන ගුවන් යානයෙන් කටුනායක ගුවන් තොටුපොළ වෙත පැමිණ තිබෙනවා .
ඔවුන් විසින් රැගෙන ආ ගමන් මලු 03 ක් තුළ කිලෝ ග්රෑම් 01 ග්රෑම් 100 කට අධික බරකින් යුතු ඇසුරුම් 48 ක් තුළ , මෙම කුෂ්” මත්ද්රව්ය කිලෝ ග්රෑම් 50 සොයා ගෙන තිබෙනවා .
මීට පෙර කටුනායක ගුවන් තොටුපොළ තුළ අත් අඩංගුවට ගත් විශාලතම මත්ද්රව්ය ප්රමාණය ලෙස වාර්තා ගත වී තිබුණේ ඉකුත් වසරේ වෙසක් පෝය දින බ්රිතාන්ය ජාතික ගුවන් සේවිකාවක විසින් රැගෙන ආ කිලෝ ග්රෑම් 46 ක ” කුෂ්” මත්ද්රව්ය තොගයයි
මෙසේ අත් අඩංගුවට ගත් මෙම මත්ද්රව්ය තොගය සහ ඒවා රැගෙන ආ ඉන්දීය ජාතිකයන් තිදෙනා මේ පිළිබඳ වැඩිදුර විමර්ශන කටයුතු සඳහා කටුනායක ගුවන් තොටුපොළ පොලිස් මත්ද්රව්ය කාර්යාංශයේ නිලධාරීන් වෙත භාර දීමට පියවර ගෙන තිබෙනවා .
