Telephone:
+94779456435

Email:
editor.todaynewslk@gmial.com

තරඟය ජයග්‍රහණය කිරීමට ශ්‍රී ලංකාවට ලැබුණු දැවැන්ත ඉලක්කය

10 months ago

ශ්‍රී ලංකා කණ්ඩායම සහ එංගලන්ත කණ්ඩායම අතර පැවැත්වෙන තීරණාත්මක තෙවන සහ අවසන් එක්දින ක්‍රිකට් තරගය මේ වනවිට කොළඹ ආර්. ප්‍රේමදාස ක්‍රීඩාංගණයේදී පැවැත්වෙයි. තරගයේ කාසියේ වාසිය දිනා පළමුවෙන් පන්දුවට පහරදුන් එංගලන්ත කණ්ඩායම, නියමිත පන්දුවාර 50 අවසානයේ කඩුලු 3ක් පමණක් දැවී ලකුණු 357ක දැවැන්ත ලකුණු සංඛ්‍යාවක් රැස් කිරීමට සමත් විය.

එංගලන්ත ඉනිම ශක්තිමත් කළ නායක හැරී බෲක් විශිෂ්ට ඉනිමක් ක්‍රීඩා කරමින් නොදැවී ලකුණු 136ක් රැස් කළේය. ඔහුට අනගි සහයක් ලබාදුන් ජෝ රූට් නොදැවී ලකුණු 111ක් ලබාගත් අතර, ජේකබ් බෙතෙල් ලකුණු 65ක් රැස් කරමින් එංගලන්ත ලකුණු පුවරුව ඉහළ දැමීමට දායක විය.

පන්දු යැවීමේදී ශ්‍රී ලංකා කණ්ඩායම වෙනුවෙන් ධනංජය ද සිල්වා, වනිඳු හසරංග සහ ජෙෆ්රි වැන්ඩර්සේ එක් කඩුල්ල බැගින් බිඳහෙලීමට සමත් වූහ. ඒ අනුව, තරගයේ ජයග්‍රහණය සඳහා ශ්‍රී ලංකා කණ්ඩායමට හිමිවී ඇති ඉලක්කය ලකුණු 358කි.