2026 වසරේ ශ්රී ලංකාව සහ ඉන්දියාවේ පැවැත්වෙන ICC පිරිමි විස්සයි-20 ලෝක කුසලාන තරගාවලිය සඳහා වන 15 දෙනෙකුගෙන් යුත් අමෙරිකානු සංචිතය නිල වශයෙන් නිවේදනය කර තිබෙනවා.
මීට පෙර 2024 වසරේදී පාකිස්ථානය පරාජය කරමින් සුපිරි 8 දෙනාගේ වටයට පිවිසි අමෙරිකානු කණ්ඩායම මෙවර සහභාගී වන්නේ ඔවුන්ගේ දෙවන ලෝක කුසලාන තරගාවලිය සඳහායි.
හිටපු ශ්රී ලංකා ක්රීඩක ෂෙහාන් ජයසූරිය පළමු වරට අමෙරිකාව වෙනුවෙන් ජාත්යන්තර වරම් දිනාගැනීමේ බලාපොරොත්තුවෙන් මෙම සංචිතයට ඇතුළත් කර තිබීම විශේෂත්වයක්.
මීට අමතරව හිටපු ශ්රී ලංකා ක්රීඩක පුබුදු දසනායක ප්රධාන පුහුණුකරු ලෙස කටයුතු කරන අතර ධම්මික ප්රසාද් වේගපන්දු පුහුණුකරු ලෙස කටයුතු කරනු ලබනවා.
අමෙරිකානු ක්රිකට් ආයතනය (USA Cricket) මේ වන විට ජාත්යන්තර ක්රිකට් කවුන්සිලය (ICC) විසින් අත්හිටුවා තිබීමත්, එම ආයතනය බංකොලොත් භාවය ප්රකාශයට පත් කිරීමත් හේතුවෙන්, ක්රීඩකයින් තේරීමේ කටයුතු සිදුවූයේ ICC සහ අමෙරිකානු ඔලිම්පික් කමිටුවේ (USOPC) මැදිහත්වීමෙන්.
