Telephone:
+94779456435

Email:
editor.todaynewslk@gmial.com

ලෝක කුසලාන සටනේ ශ්‍රී ලංකාව අපරාජිතව ඉදිරියට

9 months ago

විස්සයි20 ලෝක කුසලාන ක්‍රිකට් තරගාවලිය යටතේ ඕමානයට එරෙහිව අද (12) පල්ලෙකැලේ ජාත්‍යන්තර ක්‍රීඩාංගණයේ පැවති තරගයෙන් ලකුණු 105ක අතිවිශිෂ්ට ජයක් වාර්තා කිරීමට ශ්‍රී ලංකා කණ්ඩායම සමත් විය.

මෙම ජයග්‍රහණයත් සමඟ මෙතෙක් සහභාගී වූ තරග දෙකම ජයගත් ශ්‍රී ලංකාව, ප්‍රසාද ලකුණු සටහනේ ‘B’ කාණ්ඩයේ පෙරමුණ අත්පත් කර ගැනීමටද සමත්ව සිටියි.

තරගයේ ප්‍රථමයෙන් පන්දුවට පහරදුන් ශ්‍රී ලංකා කණ්ඩායම නියමිත පන්දුවාර 20 අවසානයේ ඕමානයට ලකුණු 226ක දැවැන්ත ඉලක්කයක් ලබා දුන්නේය.

එම අසීරු ඉලක්කය හඹාගිය ඕමාන කණ්ඩායමට පන්දුවාර 20 අවසානයේ කඩුලු 9ක් දැවී රැස්කරගත හැකි වූයේ ලකුණු 120ක් පමණි.

ඕමාන ඉනිමේ වැඩිම ලකුණු ලාභියා වූ මොහොමඩ් නදීම් නොදැවී ලකුණු 53ක් රැස්කළ අතර, වසීම් අලි ලකුණු 27ක් ලබා ගත්තේය. සෙසු කිසිදු පිතිකරුවෙකුට ලකුණු 9 සීමාව ඉක්මවා යාමට ශ්‍රී ලංකා පන්දු යවන්නන් ඉඩ ලබා නොදුන්හ.

පන්දු යැවීමේදී ශ්‍රී ලංකාව වෙනුවෙන් දක්ෂතා දැක්වූ මහීෂ් තීක්ෂණ ලකුණු 11කට කඩුලු 2ක් සහ දුෂ්මන්ත චමීර ලකුණු 19කට කඩුලු 2ක් බැගින් බිඳ හෙලූහ.