ශ්රී ලංකා නිදහස් පක්ෂය විසින් පාර්ලිමේන්තු මන්ත්රී දයාසිරි ජයසේකර මහතාගේ පක්ෂ සාමාජිකත්වය අත්හිටුවීමට ගෙන තිබූ තීරණය ක්රියාත්මක කිරීම වළක්වාලමින් කොළඹ දිසා අධිකරණය අද (17) අතුරු තහනම් නියෝගයක් නිකුත් කළේය.
දයාසිරි ජයසේකර මහතා විසින් ඉදිරිපත් කළ පැමිණිල්ලක් දීර්ඝ ලෙස විභාග කිරීමෙන් අනතුරුව අධිකරණය මෙම තීන්දුව ලබා දී ඇත.
කෙසේ වෙතත්, තමාට නැවත ශ්රී ලංකා නිදහස් පක්ෂයේ මහ ලේකම් ධුරයේ කටයුතු කිරීමට ඇති බාධා ඉවත් කරන ලෙස දයාසිරි ජයසේකර මහතා කළ ඉල්ලීමට අධිකරණය මෙහිදී අවසර ලබා දී නැත.
ඒ අනුව ඔහුගේ පක්ෂ සාමාජිකත්වය සුරක්ෂිත වුවද, ලේකම් ධුරයේ රාජකාරී කිරීම සම්බන්ධයෙන් පනවා ඇති බාධාවන් තවදුරටත් බලාත්මක වනු ඇත.
