Telephone:
+94779456435

Email:
editor.todaynewslk@gmial.com

ඕස්ට්‍රේලියාවේ ලෝක කුසලානයේ ඉදිරි ගමනට වැස්ස හරස් වෙයි! වසර 17කට පසු අවාසනාවන්ත ඉරණමක්!

9 months ago

2026 විස්සයි-20 ලෝක කුසලාන ක්‍රිකට් තරගාවලියේ තීරණාත්මක හැරවුම් ලක්ෂ්‍යයක් සනිටුහන් කරමින්, සිම්බාබ්වේ සහ අයර්ලන්තය අතර අද (17) පැවැත්වීමට නියමිතව තිබූ තරගය වර්ෂාව හේතුවෙන් අත්හිටුවීමට තීරණය විය. මේ අනුව දෙපිලටම ප්‍රසාද ලකුණු බෙදී ගිය අතර, එම ප්‍රතිඵලයත් සමඟ ප්‍රබල ඕස්ට්‍රේලියානු කණ්ඩායමට මෙවර ලෝක කුසලාන සිහිනය අතහැර දැමීමට සිදුවීම විශේෂත්වයකි.

වසර 17කට පසු, එනම් 2009 වර්ෂයෙන් පසුව ඕස්ට්‍රේලියානු කණ්ඩායම ලෝක කුසලාන ක්‍රිකට් තරගාවලියක පළමු වටයෙන්ම ඉවතට විසි වූ ප්‍රථම අවස්ථාව ලෙස මෙය වාර්තා පොත්වලට එක්වේ. සිම්බාබ්වේ කණ්ඩායම ලැබූ ප්‍රසාද ලකුණත් සමඟ ඔවුන් ශ්‍රී ලංකාව හා එක්ව ‘B’ කාණ්ඩයෙන් ඉදිරි වටය (සුපිරි 8 වටය) සඳහා සුදුසුකම් ලබා ගැනීමට සමත් විය.

තරගය අත්හිටුවීම හේතුවෙන් ලැබුණු ප්‍රතිඵලය මත අයර්ලන්ත කණ්ඩායමට ද මෙවර ලෝක කුසලාන ගමන අවසන් කිරීමට සිදු විය. මේ අනුව, ‘B’ කාණ්ඩයෙන් සුපිරි අට දෙනාගේ වටයට පිවිසෙන කණ්ඩායම් දෙක ලෙස ශ්‍රී ලංකාව සහ සිම්බාබ්වේ නිල වශයෙන් තහවුරු වී තිබේ.