ආබාධයට ලක්ව සිටින ශ්රී ලංකා වේග පන්දු යවන ක්රීඩක මතීෂ පතිරණට මෙවර විස්සයි-20 ලෝක කුසලාන තරගාවලියේ ඉදිරි තරග අහිමි වන බව තහවුරු වී තිබේ. ඕස්ට්රේලියාව සමඟ පැවැති තරගයේදී ඔහුගේ කලව ප්රදේශයේ ඇති වූ මස්පිඩු ආබාධය හේතුවෙන් මතීෂට සති 4ක පූර්ණ විවේකයක් අවශ්ය බව භෞත චිකිත්සකවරයා නිර්දේශ කර ඇත.
මතීෂ පතිරණ වෙනුවට සංචිතයට එක්කර ගන්නා ක්රීඩකයා සම්බන්ධයෙන් ශ්රී ලංකා ක්රිකට් බලධාරීන්ගේ අවධානය ක්රීඩකයින් තිදෙනෙකු වෙත යොමුව තිබේ
- ඩිල්ෂාන් මධුශංක
- නුවන් තුෂාර
- බිනුර ප්රනාන්දු
ක්රිකට් ආරංචි මාර්ග සඳහන් කරන්නේ මෙයින් ඩිල්ෂාන් මධුශංක හට සංචිතයට එක්වීමට වැඩි අවස්ථාවක් පවතින බවයි. මතීෂගේ වෛද්ය වාර්තා ලැබුණු පසු, අදාළ ආදේශක ක්රීඩකයාගේ නම ජාත්යන්තර ක්රිකට් කවුන්සිලයේ (ICC) තාක්ෂණික කමිටුව වෙත ඉදිරිපත් කර අනුමැතිය ලබා ගැනීමට නියමිතව ඇත.
මතීෂ පතිරණට අමතරව ලෝක කුසලාන සංචිතයේ සිටින තවත් ප්රබල ක්රීඩකයින් දෙදෙනෙකු වන වනිඳු හසරංග සහ එෂාන් මාලිංග ද මේ වන විට ආබාධවලට ලක්ව සිටීම ශ්රී ලංකා පිලට විශාල අභියෝගයක් වී තිබේ.
