ශ්රී ලංකා පොදුජන පෙරමුණේ ජාතික සංවිධායක නාමල් රාජපක්ෂ මහතාට පෙබරවාරි මස අගදී බ්රිතාන්යයේ සුප්රසිද්ධ කේම්බ්රිජ් (Cambridge Union) ශිෂ්ය සංගමය ඇමතීමට ලැබී තිබූ ආරාධනය එම සංගමය විසින් අවලංගු කර තිබේ.
මෙම තීරණයට හේතු වී ඇත්තේ බ්රිතාන්යය පුරා වෙසෙන දෙමළ ඩයස්පෝරාව සහ එල්.ටී.ටී.ඊ. හිතවාදී සංවිධාන එක්ව එල්ල කළ දැඩි විරෝධයයි.
බ්රිතාන්ය දෙමළ තරුණ සංවිධානය ඇතුළු සංවිධාන කිහිපයක් එක්ව නාමල් රාජපක්ෂ මහතාට ලබාදී ඇති මෙම අවස්ථාව වහාම අහෝසි කරන ලෙස බල කරමින් ශිෂ්ය සංගම් වෙත දැඩි බලපෑමක් එල්ල කර තිබුණි.
මෙම විරෝධතා හේතුවෙන් කේම්බ්රිජ් දේශනය අවලංගු වු අතර, ඔහුට ලැබී ඇති ඔක්ස්ෆර්ඩ් (Oxford Union) දේශනය සම්බන්ධයෙන්ද මේ වන විට දැඩි අවිනිශ්චිත තාවයක් මතුව පවතී.
