Telephone:
+94779456435

Email:
editor.todaynewslk@gmial.com

ප්‍රබල ඉන්දීය කණ්ඩායමට දකුණු අප්‍රිකාව ඉදිරියේ අවමන් සහගත පරාජයක් අත්වෙයි

9 months ago

විස්සයි20 ලෝක කුසලාන ක්‍රිකට් තරගාවලියේ සුපිරි 8 වටයේ අතිශය තීරණාත්මක තරගයකින් ප්‍රබල ඉන්දීය කණ්ඩායම ලකුණු 76කින් පරාජය කිරීමට දකුණු අප්‍රිකාව අද (22) රාත්‍රියේ සමත් විය.

අහ්මදාබාද්හිදී පැවති මෙම තරගයත් සමඟ ඉන්දියාව ලෝක කුසලාන තරගාවලි ඉතිහාසයේ පිහිටුවා තිබූ අසමසම වාර්තාවක් ද අවසන් වීම විශේෂත්වයකි.

කාසියේ වාසිය දිනා පළමුවෙන් පන්දුවට පහරදුන් දකුණු අප්‍රිකානු කණ්ඩායම නියමිත පන්දුවාර 20 අවසානයේ ලකුණු 187ක ප්‍රබල ලකුණු සංඛ්‍යාවක් රැස් කිරීමට සමත් විය. පිළිතුරු ඉනිම ක්‍රීඩා කිරීමට පිටියට පිවිසි ඉන්දීය කණ්ඩායමට දකුණු අප්‍රිකානු පන්දු යවන්නන් හමුවේ එල්ල වූයේ දැඩි පීඩනයකි.

ඉන්දීය පිතිකරුවන්ට පන්දුවාර 18.5ක් අවසානයේ සියලු දෙනා දැවී රැස් කරගත හැකි වූයේ ලකුණු 111ක් පමණි. ඒ අනුව ලකුණු 76ක දැවැන්ත ජයක් හිමිකරගත් දකුණු අප්‍රිකාව සුපිරි 8 වටයේ තවදුරටත් පෙරමුණ ගැනීමට සමත් විය.